立場新聞 Stand News

暗批林鄭只出部份政綱 葉劉:只露三點,咁唔足夠架嘛!

2017/2/21 — 12:19

特首選舉提名期將於3月1日結束,特首參選人葉劉淑儀今早於商台節目中,被問到若她最終未夠提名票「入閘」,會否將票給予另外的參選人,葉劉淑儀指不會綑綁其黨員的票,「任何要新民黨票的人,佢都要嚟正式拜票,啱唔啱?」她又表示,自己因與林鄭月娥的票源最相近,因而被「排擠」和「犧牲」。

葉劉指,若有參選人想爭取新民黨的票,就應前來介紹政綱、爭取支持和回答問題,「公道吖!唔通個個都以為食殘廢餐?公唔公道吖?我問你公唔公道先?咁你要親自嚟拜票嘛,任何姓曾嘅、姓胡嘅,姓林的都要,等我哋自己啲選委決定」。

葉劉:有候選人只露三點 

廣告

她又不點名提到「有啲候選人,而家先唔係三點畢露,係只露三點(政綱),咁唔足夠架嘛!」據資料顯示,4名熱門特首參選人中,葉劉淑儀、曾俊華和胡國興亦已公布政綱,餘下一位林鄭月娥暫只公布了部分政綱,當中針對教育、稅務及置業三方面。

票自己嚟? 葉劉:你自己心知肚明啦

廣告

主持指有人對於另一參選人林鄭月娥不公開呼籲中聯辦不要替她拉票而感失望,葉劉回應指:「我覺得佢(林鄭)話『啲票自己嚟』,咁呢句聽落幾好笑。梗係自己嚟啦,咁多人幫你拉,你自己心知肚明啦,講呢啲說話,真係!」

她又形容自己是被「排擠」和「犧牲」。她指,有人認為她與林鄭月娥票源最相近,因大家也是女性和前政務官,只是葉劉多了選舉經驗,「我喺呢個所謂『集中票源、排除對手、高票當選、完成任務』,呢16字的目標之下,咁就要排擠我。」

葉劉又提到,星島新聞集團主席兼全國政協常委何柱國指國家主席不支持另一參選人曾俊華,因而定下了選舉格局,「因為唔俾曾俊華入閘,所以建制派兩太就只可入一個太,如果唔係互相鎅票,咪造就咗曾俊華,所以就要犧牲我」。

 

發表意見