立場新聞 Stand News

曾俊華FB曬恩愛 讚曾太親下廚無價 網民受落勁like

2017/2/9 — 21:08

背景圖片來源:曾俊華 Facebook

背景圖片來源:曾俊華 Facebook

特首參選人曾俊華近日為選舉工程馬不停蹄,今晚則在Facebook曬恩愛,上載一張太太曾黃蓮華為他準備晚餐的相片,大讚老婆打點家事妥妥當當,更盛讚其親下廚的「豬扒豆腐飯」是無價。相片在一小時內已獲逾六千讚好或愛心。

曾俊華晚上發布的相片可見,太太曾黃蓮華為自己準備了豬扒豆腐飯、羅漢果及果皮水等作晚餐:「相隔多年,曾太再次負責煮飯,亦越來越得心應手,雖然家裏三個煲只有兩個蓋,但已經難不到她,家事的打點,也是妥妥當當。」

他又指最近密集式與選委會面、聆聽意見,有時只能吃三文治果腹,更賣口乖稱:「如果你問我,今晚的『豬扒豆腐飯』值幾錢,我只能答,無價。」

廣告

網民幾乎一面倒讚好相片,有人留言:「曾太,靠晒你啦!幫我地好好照顧曾生呀!」、「要睇一個男人嘅質素,一定要睇佢身邊嘅女人。曾生,我地好希望曾太做香港第一夫人!」、「修身齊家治國平天下」。

曾俊華今日被問到,在提名期前是否有信心取得150個提名入閘時,不再評論自己手上有多少票,但滿有信心地說,交提名「有策略上的考慮」,會找「好日子」去交提名票。

廣告

發表意見