立場新聞 Stand News

曾蔭權:應放懷看待港獨 「真嘅不能消滅 假嘅會自動消滅」

2016/9/8 — 8:38

曾蔭權(新聞處資料圖片)

曾蔭權(新聞處資料圖片)

《am730》再刊出行政長官曾蔭權的訪問,曾蔭權在訪問中提到港獨議題,稱應該放懷心態看待,「有啲嘢係真嘅呢,你點消滅都消滅唔到嘅;有啲嘢係假嘅、係虛浮嘅呢,你唔使做咩佢都會自動消滅。」曾蔭權說現時本港社會面對的挑戰,是政治立場愈趨極端,溝通困難。

但他認為香港人聰明,會做好選擇,當發現對長遠利益不利時,會回到較適合的位置。「(香港人)如果(去到)某個位置發覺對長遠利益唔得好時,佢自己會走番返個位置,我諗最緊要係,任何人都要對呢個土地啲人,不止要投入去,要相信佢,一定會做番好。」

曾蔭權又稱,任內只要認為當時環境需要,便會努力爭取,當中不乏爭議極大的議題,但亦「好彩做得到」,例如在政制方面,爭取到普選時間表,他自言當時是很大的里程碑;社會福利方面亦有不少成果,「有人唔記得囉!但有啲人就好記得嘅,譬如最低工資,老人家坐車兩元,當時政治環境容許你做到啲嘢,尤其最低工資咁爭議性,但依家政治環境,如果要做,要不同方法先做到,呢個係事實。」

廣告

立法會選舉剛剛結束,官司纏身的前特首曾蔭權,突然接受《am730》連續三日刊出訪問,昨日主題是曾蔭權回應其任內處理土地及房屋問題,他承認當日的政策可以做得更好,解釋自己不賣地是礙於經濟情况,但確是未做好開發土地的工作等。

廣告

發表意見