立場新聞 Stand News

曾鈺成:京官指特首選舉不再「欽點」 由中央可接受人選「公平競爭」

2016/7/6 — 9:20

資料圖片:曾鈺成

資料圖片:曾鈺成

立法會主席曾鈺成接受有線新聞專訪時表示,有中央官員向他透露,2017年特首選舉不會再「欽點」。「即係有一位中央官員,話下一次選舉無論係否普選,都不會由中央指定『呢個就係中央要嘅人』,只要嗰啲候選人係中央可以接受嘅,甲乙丙候選人,就畀大家真係去一個公平競爭。」

曾鈺成又提到上次特首選舉,候選人、前政務司司長唐英年一度被視為中央屬意的人選,「但最後,發覺唔係,好多人轉彎轉唔到過嚟(支持梁振英),發生咁嘅事之後,唔好再搞啲咁嘅嘢。」

除梁振英之外,兩大熱門就是政務司司長林鄭月娥、財政司司長曾俊華也是競爭之列,曾鈺成指如果其中一個辭職與特首競爭並無問題,但兩人均參與選舉,並不理想,「即係打埋一堆?…兩名司長都辭職競選,可能對政府管治透成困難,無話絕對唔准。」

廣告

曾鈺成又認為,9月立法會建制派不勝,不應將功勞全歸行政長官,「如果建制派大敗,亦都唔應責任歸行政長官。」

他又不點名反駁,行會成員張志剛早前專欄中如果建制派大敗,需要強硬特首的說法,「你靠一個『硬』字,係咪可以解決問題?呢幾年,好多例子說明唔係咁嘅。」對於他會否選特首,曾鈺成只表示「拭目以待。」

廣告

發表意見