立場新聞 Stand News

最想同香港經濟攬炒的,根本就係警察

2019/9/8 — 23:24

立場新聞圖片

立場新聞圖片

今日遊行完咗,過咗去銅鑼灣誠品睇書;6:50 突然廣播話會7點關門,原來樓下有大隊差佬。喺誠品嗰層向下望,過咗幾分鐘就見到開始放催淚彈,而條街係只得記者同路過嘅巿民,並冇示威者聚集。

跟住由7點到9點幾,銅鑼灣sogo至時代廣場一帶有好多警察聚集,間唔時就跑嚟跑去凶啲路人;地鐵又封咗,啲人都唔知可以走去邊。我見住有個防暴喺sogo 門口對住啲途人青筋暴現咁大叫「走啦,唔好喺度扮途人」-嗰度係sogo 門口呀,係全香港最多途人嘅地方呀!跟住無端端,得閒就放幾粒催淚彈--而必須強調,根本就冇人示緊威。

卒之呢晚喺銅鑼灣放咗應該有七﹑八粒催淚彈,大部份都係sogo外面放。

廣告

結果係咩?就係星期日晚嘅銅鑼灣,大半舖頭七點就收舖。我7點幾喺sogo附近間餐廳食飯,成間舖得兩三張枱客;Sogo對面有間賣魚蛋嘅,粒催淚彈就喺佢門口附近爆,成間舖啲食物應該都可以報銷。

政府成日賴示威影響經濟,但係從來遊行經過銅鑼灣,所有舖頭都會照開的;而一見到警察,就即刻拉閘收工,因為個個都知道警察有幾痴線。最影響經濟﹑最想同香港經濟攬炒的,好明顯就係呢班警察。

廣告

作者 Facebook

圖:向空氣放的催淚彈,差佬x眼見到鬼(作者提供)

圖:向空氣放的催淚彈,差佬x眼見到鬼(作者提供)

發表意見