立場新聞 Stand News

有些東西,你懂的!

2016/6/17 — 10:39

不少盛傳會出選9月立法會選舉的政客均大灑金錢在戶外廣告板落廣告,例如建制派的鍾樹根。(圖片來源:鍾樹根 facebook)

不少盛傳會出選9月立法會選舉的政客均大灑金錢在戶外廣告板落廣告,例如建制派的鍾樹根。(圖片來源:鍾樹根 facebook)

最近有沒有留意到,許多本來是賣一些見慣見熟品牌的大型戶外廣告牌或外牆廣告(outdoor billboard),一係就丟空留白,一係就是一些短期tactical廣告客,如今個月上演的某部電影、某歌手演唱會、或者一些平時從來沒有見過會賣如此大型廣告的超小型分體式冷氣機、汽車潤滑油等等。賣品牌形象的幾乎絕迹。相反,臨近選舉,越來越多各式各樣的議員及候選人,好似補習天王、天后一樣賣大頭或半身「偶像造型」廣告。突然之間,才驚嘆美圖、執相技術的出神入化,有好多議員真係靚到認唔到。

說穿了,其實係因為市道大不如前,許多從前賣到幾10萬元或甚至乎過百萬元一塊的紅隧戶外廣告牌,如今變得無人問津,惟有減價促銷,聽講最平落到10萬元都有交易。要知道今天有甚麼行業仲肯使錢,抬頭看看outdoor billboard啦!保險、汽車、高檔時裝品牌(起碼少咗一半)、樓盤、美容護膚,同以上提到、以前唔考慮戶外廣告但如今因為突然負擔得起,姑且用隻設計唔太靚、精度唔太高的圖片出個紅隧廣告,再入西隧兼殺埋過嚟東隧!至於大牌子,第一時間廣告budget被cut咗一大截,假如仲負擔得起,都出digital、social,看似抵玩及較易量度其效應,outdoor好自然就先被省掉!

唔係樣樣嘢減價就會變得有人買,甚至有人爭。上星期有一日,聽到身邊幾個女同事異常興奮地談論Haagen Dazs新推出的脆皮雪糕批,在便利店有29.9元買一送一優惠。嘩!即係半價?與同事share,即15蚊買到一條Haagen Dazs雪糕批喎。轉個頭落到去公司樓下間7仔,我只係講咗幾個字:「請問仲有冇……」店員已冷冷的搶答:「雪糕批已經賣晒!」我唔信邪、不甘心,跑去相隔三條街的Circle K打開雪櫃,見到的只有杯裝雪糕同雪糕三文治,雪糕批就不見蹤影!那天放工,心裏戚戚然,最後走去惠康,終於見到那盒等了半天的雪糕批,超級市場並無買一送一優惠,在唔抵唔該唔知之下,最後都寧願用正價$29.9,買了它。

廣告

有些東西,減了價也無人要。有些東西,不減也有人爭。你懂的!

廣告

發表意見