立場新聞 Stand News

【有片有真相】中大副校指「有共識前不拆港獨宣傳品」與事實不符 實情係......

2017/9/14 — 19:29

中大副校長吳基培,圖片來源:蕭雲 攝

中大副校長吳基培,圖片來源:蕭雲 攝

中文大學校園近日出現支持香港獨立的標語及橫額,多名學生因不滿校方企圖強拆在學生會管理範圍內的宣傳品,上週五發起圍堵學生事務處行動。學生會其後發聲明指,校方代表承諾「在會議舉行前和雙方達成共識前」不會拆除有關物品。不過,這說法被當日在場的副校長吳基培反駁,指當日只承諾在「溝通之前不拆除文化廣場的展示品」,又指傳媒的報道與事實不符,不過翻查當日片段,吳基培的答法卻顯得模棱兩可。

翻查中大校園電台於當日拍攝的片段(見文末),從片段1 小時 1 分 26 秒起可見,當日中大學生會外務副會長朱安妮詢問吳基培:「如果文化廣場,有任何單張,未經過學生會同意,或我們未有共識(情況)底下,你係唔會拆嘅,係咪?依個係咪可以promise嘅?」吳基培表現躊躇,未有回應。

學生會外務秘書李文耀指:「大家都想傾,(想)有個共識,但喺共識未出現之前,校方係咪會承諾唔會派保安出黎,強行將相關宣傳單張,或者物品,響我地管理範圍內清除?」吳基培表示自己剛承諾,他會就這件事情於同學溝通。

廣告

李文耀續表示:「係傾啦,但傾嘅過程之中唔會清除?你清除咗,大家就冇得傾啦,係咪?」吳基培未有正面回應,只回答:「如果真係要拆啦,就拆啦,係咪?但我諗我哋都要傾,啲利害關係。以前都係咁架啦。」

朱安妮調整說法:「我再問多次,係咪傾嘅期間唔會拆?」吳基培確定:「係。」

廣告

而於片段大約1 小時 4 分 25 秒左右,李文耀表示:「我哋喺傳媒朋友面前重申兩點。而家校方承諾咗兩樣嘢。第一,喺中大學生會管轄嘅文化廣場範圍之內,如果裡面有相關物品,而校方係覺得唔妥當都好啦,佢哋會先同中大學生會管理方溝通咗先,喺溝通過程之中,未達成共識之前,都係唔會派保安將相關物品清除。第二,係關於會議嘅問題。由於現時副校長係唔能夠代校方作出所謂決定,佢就會將我哋中大學生會嘅訊息,甚至係唔同中大學生嘅要求,帶返去佢口中所講嘅管理層,然之後佢哋就會派出一個代表,同我哋作出一個溝通,而唔係佢哋單純作出一個決定,就咁同我哋講,係我哋有共識出嚟嘅結果。係咪咁樣?」吳基培確定地答:「係。」

吳基培今日於明報撰文,指「希望可以澄清外界的一些誤解」。他在文中表示,當日校方只承諾在「溝通之前不拆除文化廣場的展示品」,並非「未有共識之前不拆除文化廣場的展示品」。吳基培亦表示「我希望大家明白,大學的主要任務是教育,溝通永遠比對抗更有助解決問題」,並指自己「只是一個五呎七吋,有血有肉,愛同學、愛中大,願意互動溝通的小師兄」,希望同學不要將他視為「冷漠高牆」。

發表意見