林彥邦

林彥邦

傳媒人,涉足報章、電台、電視,沉迷文字,喜愛說故事,希望成為擅長說故事的人。

2019/8/7 - 18:32

有關枝筆

其一

警方稱呼做鐳射槍,學生會稱呼做觀星筆,雙方各有 agenda,點解要 take 哂警方講法鐳射槍?

常識話你知,係鐳射筆,尊重並信任自己常識,為之專業。

廣告

其二

唔使再討論鐳射筆傷唔傷眼,根本弱智。

鐳射筆直射眼會傷眼,你阿媽係女人;其實唔使直射 10 秒,用枝筆直接插眼,1 秒就會盲,用手指插眼一樣,1 秒就盲。

問題係攻擊意圖同行為。

唔好再問佢買啲筆嚟做咩,關你鬼事;香港行普通法,係檢控要證明佢有意圖行為,唔係佢要證明自己無。

再講一次,唔需要再辯論枝筆有咩殺傷力,一啲喺街隨意買賣嘅嘢,唔該拎證據證明佢有攻擊意圖或行為,唔好同我講好多人照眼,都有好多人拎刀斬人,買刀都唔犯法;btw 拎鐵通都無話攻擊性武器啦係咪?

其三

警方拎其中一枝證物出嚟示範。

有無改裝過,唔知;係咪真係個知,唔知;執法人員有無聽過咩係破壞證物?下次搜到開山刀係咪會拎出嚟劈嘢證明把刀好利?

定係你預咗告唔入所以破壞污染證物都無所謂?

 

作者 Facebook