立場新聞 Stand News

有關 721 元朗西鐵站事件 作為一個港鐵職員,我有嘢講

2019/7/26 — 15:40

2019.7.21夜,元朗

2019.7.21夜,元朗

眼見有好多 post 都有插車長處理不當以致乘客被打,我有少少嘢想講:

1. 首先,一定係 CC (控制)食,就算TC(車長)要落清客 order,都要得 CC 同意先可以咁做,呢個絕對唔係 Tcap (車長)自己嘅意思我希望大家明白。

2. 㗎車就行 ATO(即自動)嘅,佢一對正幕門就會自動開門。到閂門嗰陣而家啲 1900 係 Mod 咗閂三次門都閂唔到就會長開唔能夠再閂。仲未計畀人拉咗 PAD 係行唔到車,要行出去 reset 先可以行到車。全部都係㗎車嘅設計問題,就係因為公司唔出來幫我哋前線解話先令到站員、車長受到無辜嘅指控!

廣告

3. 針對番片段中女車長嗰句「我唔可以講㗎。」其實公司係訓練嘅時候係有講過所有嘢都係應該有公司公關嗰邊去答,而唔係車長自行去解釋。但如果大家有睇過立場 live 嘅朋友應該都知道公司嘅所謂公關其實係咩都冇講,講咗等於無講。完全冇話畀大家知其實女車長可以做嘅真係好有限。

4. 關於點解車長,站員唔出現幫手嘅問題。呢個亦係公司訓練係有提過我哋必須喺保證到自身安全嘅情況下先至可以執行職務。我哋唔係擁有合法武力嘅警隊,而我相信有人亦都睇到,當時元朗站入面喺有狗嘅但遲遲都唔出來,咁我想問嘅一個問題係,設立鐵路警區到底有乜嘢用?最需要人幫嘅時候我哋嘅職員同市民都受唔到應有嘅保護。

廣告

我希望大家睇完之後能夠明白 721 元西事件,前線做到嘅嘢真係好有限。我哋前線其實對於管理層嘅解釋亦感到非常憤怒,要怪嘅麻煩大家將個矛頭繼指向我哋嘅高層,直到佢哋肯出來交代清楚責任問題為止。



 

發表意見