立場新聞 Stand News

李力持諷「我要真普選」:我要真笑話!我要真愛!...哈哈哈哈

2015/4/25 — 15:32

政府及建制團體全力推銷政改方案,與親建制、與梁振英陣營的齊心基金關係密切的網絡媒體「港人講地」,請來香港導演李力持拍宣,用各種古怪比喻嘲諷要求真普選的人,聲稱他們說不出什麼叫國際標準、交不出方案,只懂叫口號。

你話國際標準,咁邊個國家嘅標準?地球嘅標準呀?打個比喻,我度笑話嘅,我度咗個笑話講俾你聽,你話唔好笑,我再講你又話唔好笑…等如我講乜嘢你都話唔好笑。好輪到你講,「哼」,咁你唔好哼我先得架,咁你咩唧?「我要真笑話,你嗰啲係假笑話」咁咩係笑話呢,「欸」,唔好「欸」啦,「國際標準囉」咩係國際標準呢? 你唔好講廢話啦,「我要真笑話」、「我要真愛」,hahahaha,咩叫真愛呢? 到到都有愛,點解你把口嗰啲先叫真愛。你要真普選,乜嘢叫真普選,你又攞唔出(方案),喺到念口簧,...(古怪表情+怪叫)...都叫咗幾年啦,你又冇橋,唔好玩啦,好似細路仔玩泥沙咁。

港人講地昨晚在facebook上載片段,至今有近五千人like,逾三千人分享。

廣告

 

廣告

發表意見