立場新聞 Stand News

李國麟林大輝李卓人 串梁振英老作「5歲小孩」

2015/1/15 — 13:37

特首梁振英今早到立法會出席答問大會,衛生服務界李國麟提問時,仿傚梁振英用「5歲小孩」故事作引子,揶揄梁振英說謊,並在提問中質疑梁振英昨日在《施政報告》中批評香港大學學生會刊物《學苑》有違言論自由。

梁振英回應稱十分重視年輕人校內校外發展,尤其在大學的年輕人,應有廣闊思想空間,但也要知道「無論在個人道德、社會道德、國家民族,是有是非觀的」。工業界林大輝舉手插嘴批評,梁和李的「5歲故事」都是虛構,隨後工黨李卓人又加入戰團,令答問大會以罵戰作結。

李國麟:有個五歲小朋友問我,第時大個咗讀大學,會唔會要問吓特首先,有啲咩應該讀,有啲咩唔應該讀呢?我知道係大學有言論自由政策,相關責任釐定得好清楚…我應承個五歲小朋友,問一問特首,如果第時要特首提我,有啲咩應該讀,有啲咩唔應該讀,咁我仲應唔應該讀大學呢?

梁振英:我都經常同年青人接觸交往……青年人尤其在大學,應有廣闊的思想、交流意見、言論自由嘅空間。但青年人都應該明白,喺個人道德、社會道德同國家民族意識問題上,係有是非觀嘅。

李國麟:…特首會唔會可以喺度保證,第時施政報告咁重要嘅文件,唔會令佢哋擔心:第一、應唔應該讀大學;第二、大學嘅學術自由遭打壓;第三、大學成為政治鬥爭嘅工具。

梁振英:香港作為國家一部份…

曾鈺成:林大輝議員咩問題?

林大輝:主席,昨日特首嘅五歲故事同今日李國麟嘅五歲故事,我認為都是虛構嘅故事,我們應唔應該喺答問大會,辯論一個虛構嘅故事呢。

曾鈺成:林大輝議員,你呢個並不是一個規程問題。行政長官請你繼續…

李卓人:主席,規程問題,我投訴林大輝議員冒犯689,因為佢話佢講大話…

廣告
廣告

發表意見