立場新聞 Stand News

李慧琼稱齊昕病情差  梁唐青儀斥:言論武斷 私下揣測

2016/12/26 — 13:47

梁唐青儀(無線新聞截圖)

梁唐青儀(無線新聞截圖)

民建聯主席李慧琼上周接受訪問時提到,特首梁振英女兒梁齊昕「病情差」、「同佢媽媽唔啱」。梁振英妻子梁唐青儀今日出席活動時,點名斥李慧琼言論「武斷」,只是「一己私下揣測」。梁唐青儀對其言論感到「遺撼」,又稱曾與她共餐,向她表示齊昕健康狀況好好,「其實佢不清楚內情,唔應該,唔適當作出咁武斷的評價。」

李慧琼回覆傳媒查詢時只是稱,祝願梁齊昕早日康復。

梁唐青儀在公開活動上主動提及,最近有些「個別人士」,對女兒梁齊昕的健康狀況的評論,「對於我同佢嘅關係,有啲比較武斷(評論)。其實佢不清楚內情,唔應該,唔適當作出咁武斷的評價。」

廣告

梁唐青儀之後說明該名「個別人士」,就是李慧琼,而李慧琼發表有關言論前一星期,曾與她共餐,「(當時)向她表達過,其實齊昕的健康狀況係好好嘅,我就唔明點解佢會發表啲咁嘅言論,我從來無同佢透露過齊昕嘅病情。」

梁唐青儀指出,李慧琼言論只是「一己私下揣測」。至於李慧琼回覆無線新聞查詢時指出,祝願梁齊昕早日康復。

廣告

李慧琼上周接受民主黨前主席劉慧卿網台訪問時,提到梁齊昕的病情以及與其母親的關係,「畢竟齊昕嘅事大家都知、亦好有興趣,齊昕同佢媽媽唔啱亦都係事實,係人都知嘅。據我了解佢(齊昕)病情係好差,梁振英作為爸爸,同佢個囡溝通係好好。」

 

發表意見