立場新聞 Stand News

李柱銘:就算青政是棋子也別憎恨 應集中關注釋法

2016/11/17 — 14:31

李柱銘, 青年新政

李柱銘, 青年新政

前基本法起草委員會委員、資深大律師李柱銘今早在商台節目,談論青年新政宣誓司法覆核風波,和人大釋法時,被問到從政治角度,青政究竟是蠢還是「鬼」,他未有正面回應,但提出幾個疑點,例如為何游蕙禎和梁頌恆二人至今沒有一幀在佔領區所拍照片等。不過,他呼籲港人不要憎恨二人,因為若二人根本是棋子,憎恨他們只會轉移了視線,應把焦點回到釋法一事上,「就唔好話『我唔鍾意呢兩個年青人,或者係鬼...』 唔好畀人咁樣分亂咗我哋個集中力」。

節目上,主持直接問李柱銘,從政治判斷,游、梁二人「究竟係蠢,定還是係鬼?」李柱銘表示不肯定,但他提出了3個邏輯上的問題。首先,二人至今都拿不出照片,顯示他們有參與過雨傘運動。他認為,佔領79日之久,就算普通市民都會去佔領區看看,如果去到,尤其是年輕人總會自拍,「如果你一張相都攞唔到出嚟,咁你哋點諗?有邊類人係唔會去嗰啲地方呢?或者唔敢去嗰啲地方?就算去到靜靜雞,唔會影相呢?大家可以諗一諗。」

此外,他指二人若很有誠意宣揚港獨,並把這個議題帶入立法會,那麼當初為過「入閘」那關而噤聲,就應該連宣誓的時候都不講港獨,「宣誓咗,做咗喇,嗰時我至講都未遲吖」,但現在卻相反,他對此感到有點奇怪。

廣告

最後一點是,如果真的要在宣誓時表達港獨意向,就應很小心,「點會做咁多嘢,講埋粗口喺個誓言度?同埋侮辱中華民族呢?」李柱銘又質疑,「侮辱中華民族同港獨係兩回事嚟嘛。點解要加埋一齊嚟做呢?」而且這同時惹怒了很多香港人。

 

廣告

發表意見