立場新聞 Stand News

林子健事件片段必須釐清的疑點

2017/8/15 — 11:57

林子健

林子健

林子健事件,成件事已經好似秋名山鬥車一樣,信林子健定唔信,都要押上自己嘅聲譽,隨時炒車。

傳真社呢個報導有一個問題,佢地FB嘅寫法係肯定第二段片嘅口罩人一定係林子健,但佢地內文只係話第二段片嘅人一出現已經係戴鴨嘴帽睇唔到樣,只係衣著外型似林子健。呢個問題相信傳真社必須釐清。亦因為有呢知疑點,我地唔能夠100%肯定條片唔係俾人調包,片中人唔係替身。

不過,呢三條片對林子健都好不利,三條片一出,傳媒各取所需,引導緊公眾話你口供同片段有出入。之後警察拉埋林子健,告佢誤導警務人員,凌晨三點喺佢屋企樓下開記招譴責佢。

廣告

林子健話自己係咸美頓街至碧街一帶被夾走,即是第一條片至第三條片的的範圍。第一條片證明了他在咸美頓街出現,但第一條片和第二條片之間有50米的距離沒有錄影,這50米途中發生了什麼事?第二條片裡面那看不到樣子的疑似林子健是不是替身?這一點傳真社也未能百分百肯定。大家討論時必須留意。

我一直諗,如果我係林子健,我要講大話話俾人夾走,我應該會話自己喺一個偏僻好多嘅地方俾人夾,咁就難搵到人證物證。佢話自己喺油麻地鬧市俾人夾,如果係講大話實在好容易被識穿。林子健一係唔識講大話,一係講真話,一係講錯。呢樣嘢又係秋名山鬥車,隨時炒車。

廣告

仲有一樣嘢對林子健好不利,就係林本身政壇嘅往績同俾人嘅印象,令人覺得佢難以觸摸。事件由開始到而家,林子健嘅處理方式、證言,都令人好擔心支持佢會炒車。

我唔係想避免炒車,但成件事真係太詭異,我唔想扮金田勉一,所以只係講我睇到嘅可能性同詭異嘅地方,希望單嘢最終真真正正水落石出,尤其是而家警察拉咗林子健。警察要告佢,至少要證明佢嘅口供係假嘅,舉證責任就喺控方度,而且係冇疑點嘅刑事標準。警察咁高調做嘢,可能佢地係有足夠證據證明林講大話,如果真係咁,咁大家會收聲。

不過有一件事,我覺得好唔對路,就係警察拉完林子健,凌晨三點響人地屋企樓下開記招,譴責林子健誤導警察。而家法庭判咗林子健誤導警務人員罪未?未之前你咁樣講係唔係(法庭)未審(警察)先判?


林勉一
2017.8.14
fb.com/newcolonyhk

發表意見