立場新聞 Stand News

林榮基戴的帽子、愛讀的書,以及其他

2016/6/22 — 19:59

林榮基

林榮基

問:為何林榮基連日來接受訪問,都會戴上那頂藍色帽子?

答:我有頭風,同埋戴咗會舒服啲。
 

廣告

問:李波是怎樣向你提及他被帶上大陸一事?

答:(林榮基見了李波兩次)第一次接觸,無見太耐,傾了個幾鐘頭,閒話家常,佢(李波)太太都在場。佢提過一下,佢喺香港畀人帶上去。我記得係「帶上去」,係咪「夾上去」我就唔記得。因為閒話家常,唔會記住,我又無錄音機。第二次,李波用唔同語言,講同一件事,意思一樣。(內容是?)無端白事點會畀人夾咗上去,我慣咗講「夾」,佢(李波)可能用「帶」。

廣告

(有人話我)改咗口風,其實唔係。因為兩次李波講同一件事,唔會一定講返同一句說話,無可能,佢唔係寫文章,會口語化。

 

問:會否將經歷寫成書?

答:我會,可能在小品或者故事,寫落去。其實我都諗住呢段時間執返筆。

 

問:你對中國的看法?

答:唔好諗喇,我個睇法係佢三千年都唔會變,你唔好諗改變佢。我睇法係走,你有條件就走,我呢啲無打算走就同佢抗爭。

…中國嘅問題不單係政治問題,亦唔係純粹的經濟問題。文化好似土壤,中國文化(的土壤)恰恰讓共產獨裁適宜長大。所以唔好忽視文化問題。

 

問:在韶關圖書館做義工時,讀什麼書?

答:任我睇。《大亨小傳》差唔多睇晒。因為他(作者)用第三身寫男主角女主角嘛,我對佢寫作手法有興趣。其實係睇佢嘅表現方法,敘事唔同嘛。

 

問:林榮基最喜歡的一本書?

答:李劼的《中國文化冷風景》,我睇咗三次,嘩,都好少書會咁睇法,值得你(記者)睇。…嗰本書真係一絕,嗰次過年喺大嶼山等巴士,企足三個鐘喺度睇。…實在太好睇喇,打開我視野,呢啲書好難得,幾十年出唔到一本。佢本書(《中國文化冷風景》)就等於《萬曆十五年》(黃仁宇著),我提議你睇。

 

(林榮基專訪其餘兩篇文章連結:呼一口煙,吸一口自由 — 專訪林榮基林榮基:不足 300 呎的房間裡,求死不能

 

《中國文化冷風景》,李劼著(圖片來源:網上圖片)

《中國文化冷風景》,李劼著(圖片來源:網上圖片)

發表意見