立場新聞 Stand News

林鄭勁過董建華

2019/6/8 — 17:25

林鄭月娥、董建華

林鄭月娥、董建華

明日香港,將會迎來另一次逾十萬人的大遊行。有年輕一點的朋友問:「係咪會好似零三七一咁?」

No 啦。無論聽日點,都唔可以同零三七一比較。零三年的時候,香港經歷了連續幾年的經濟衰退,失業率 8.4%。當時流行「食二手飯」,即係冇嘢食的人,去快餐店食其他人食剩的飯餸。失業的,唔想屋企人擔心,會一朝起身出街扮返工。士多賣炭,會加句珍惜生命同埋防止自殺熱線單張。然後又沙士,死了 299 人。這個時候,大家都想休養生息,董建華就搞廿三條立法,先至爆得出零三七一大遊行。

現在香港,失業率低過三,全民就業。唔理最後遊行有幾多人,今次真係單一議題,都可以民怨爆發到咁,林鄭你勁過董建華囉。

廣告

不過呢,有件事如果似我又唔介意。零三七一之後,廿三條撤回。再之後,董建華下台。

(失業率為統計處數字,經季節性調整)

廣告

發表意見