立場新聞 Stand News

稱被標籤CY2.0、中央欽點 林鄭呼「唔完全好公道」:邊個需要中聯辦?

2017/2/10 — 18:20

劉慧卿、林鄭月娥(RTHK Facebook 直播片段截圖)

劉慧卿、林鄭月娥(RTHK Facebook 直播片段截圖)

民主黨劉慧卿今於Facebook直播節目中,訪問特首參選人林鄭月娥。劉慧卿認為,林鄭應憑自己努力和能量去競選,何必需要中聯辦、全國人大委員長張德江,林鄭反問:「邊個需要中聯辦?邊個需要中聯辦?」又指「對我嚟講,呢場選舉就唔係完全好公道嘅,因為我好多呢啲人哋畀我的標籤,(嗰啲事實嚟架喎!)又話我係『CY2.0』,一陣間又話我中央欽點」。她又表示,曾為年輕教師的處境流淚。

林鄭又指,又有人指她是福利主義者,但她表示有足夠信心和往績,強調是自己去競選。

劉慧卿又提到,時任財政司司長、另一特首參選人曾俊華去年底於立法會拒回答被司法覆核的4名議員提問一事,有人覺得他「被跣」。林鄭回應指當時不知道對方不答議員問題,又指雖有法律意見,「法律意見係法律意見,但有政治判斷架嘛」。

廣告

劉隨即問:「咁即係你覺得佢應該用吓腦?」林鄭回應:「我無講呀,你講架。」林鄭重申她的回應是「答我就照答你(議員),不過答咗你唔代表我認同你」。

林鄭又透露,自己曾為年輕教師流淚。林鄭稱:「選舉呢三個禮拜喊過,我身邊同事都知呀」她表示曾與教育界會面,得知一個又一個年輕熱誠教師稱沒有穩定教學環境,「咁你係咪心酸吖」,「我都唔記得面前定喺幕後,定喺同事討論過程裡面(流淚)」,認為教育制度有點問題。

廣告

林鄭稱,大部份市民都希望特首能有同理心,感同身受。她又指,今次有三位背景、年期相近的人參選,希望有機會來一好好的辯論。

發表意見