立場新聞 Stand News

林鄭用張超雄的競選口號?

2017/2/2 — 15:38

作者製圖

作者製圖

見到林鄭的競選口號,當堂嚇一跳,然後得啖笑。「與你同行」呢四隻字,睇落硬係熟好熟面。咦,張超雄上年選立法會的參選宣言,標題咪係「公義路上,與你同行」囉。呢句說話亦係工黨上年選立法會的競選口號,簡寫係「公義同行」,所有宣傳品都搵得到。

競選口號冇注冊,你要用當然阻唔到你,不過要諗下配唔配囉。張超雄份人,無論你同唔同意佢政治立場,大家都知佢點都要幫最弱勢的人,要同佢地一齊抗爭,失票都在所不惜,呢點你冇得唔同意。「同行」呢兩個字,佢可以用。林鄭,你覺得自己真係可以用?

同埋,雖然「同行」,都要講清楚行去邊到先。人地好清楚,係「公義路上」。林鄭,你呢?

林鄭競選口號
張超雄參選宣言

廣告

(原刊作者網誌

廣告

發表意見