立場新聞 Stand News

林鄭自爆冇廁紙用 頭號「薯粉」田北俊、競選對手胡官齊抽水

2017/1/23 — 17:40

宣布參選特首的前政務司司長林鄭月娥昨日自爆搬新居後,午夜發現沒廁紙用,到便利店才發現無得賣,只好乘的士回政務司司長官邸住,令不少港人嘖嘖稱奇之餘,亦引來各個政壇抽濕機都出動「抽水」。

競爭對手、退休法官胡國興聯同大律師林作今日下午拍片揶揄「臨時臨急」找廁紙。另外頭號「薯粉」、自由黨榮譽主席田北俊,亦分享其到便利店購物的照片,並指「我唔係買廁紙」。

林作今日下午在Facebook分享搞笑短片,片中他與胡國興坐在茶座中,林作手持一堆餐紙巾,表示要「攞返去當廁紙」,胡官問「點解唔去買?」林作接著稱「臨時臨急搵唔到,屋企又急需」,其後胡官稱「你噚晚實情係咪喺屋企?有冇人信你㗎?」及「你小心啲喎,呢啲咁樣冇乜人信」,語中帶刺地嘲笑林鄭月娥。

廣告

另外,已表明會提名前財政司司長曾俊華的田北俊,在Facebook上載自己去便利店購買朱古力的照片,表示「唔使擔心,我唔係買廁紙。」更檢籤「#便利店」,但就被網民反問「你識唔識用八達通先」,以諷刺林鄭月娥不懂得用八達通搭港鐵。

廣告

 

發表意見