立場新聞 Stand News

林鄭讚33台央視英文紀錄片質素高 望有中文版 踩港台唔掂好落後 拒承諾增資源

2017/3/10 — 15:45

林鄭月娥

林鄭月娥

香港記者協會今早舉辦特首選舉候選人交流會,林鄭月娥在回應港台工會代表提問時,盛讚港台電視 33 台轉播的央視紀錄片英文頻道,並批評港台其中一個電視頻道「唔掂」、播硬照「畀人感覺好落後囉」,並稱一旦當選將向港台高層了解問題所在;但被問到能否為港台增加運作資源,林鄭則指政府資源「僧多粥少」,又指建新大樓的計劃在立法會被建制派阻撓,要「大家一齊努力」。

被問到會否延續「陰乾港台」路線,林鄭表示,從無認為今屆政府的廣播政策是好。

稱建新大樓「要搞掂啲建制派」

廣告

至於港台電視台一些環節只能播硬照,是否資源不足,林鄭再次暗批前財政司司長曾俊華,指港台不在政務司司長範疇,她不了解。被問到會否再推動為港台建新大樓,林鄭稱「新大樓?你要搞掂立法會啲建制派。」

之後再有提問指,現在很多建議派都是她的支持者,她會如何說服建制派支持港台發展,及抵住來自大陸批評港台的壓力。林鄭回應,港台有公營廣播的功能使命,政府要尊重港台的編輯自主,只要港台行事符合約章,任何一屆特首都要尊重港台。

廣告

她又指,不幻想自己提出甚麼政策建制派都會支持。

附:林鄭談港台內容節錄

港台工會代表:林太你本身有冇睇港台?

林鄭:我睇,31、32、33,我有啲意見添啊,你要唔要聽?因為對於中央電視台嘅第九頻道,我真係希望有中文廣播,因為嗰個節目嘅質素好高。第二呢就係直播嗰個台呢,有一個做法好似 now 嗰個,就將嘅精警嘅每日直播,另外嗰個台就梗係揀啲官員蝦碌,就不斷播返嗰條片,咁港台可以講返官員精警嘅,譬如「官到無求膽自大」,咁,不斷同我播吓。咁另一個台就更加唔掂,資源唔夠、太多硬照,不斷出硬照同碌嗰條,畀人感覺好落後囉。

港台工會代表:梁振英特首四大任務之一係陰乾港台,林太你當選會否延續?

林鄭:公營廣播政策係應該可以做大做強,一個專業服務嘅提供,讓我哋以後可以出口專業服務,港鐵呢個品牌喺世界各地都出現,我希望我哋嘅公營廣播事業都有條件走出去。呢個當然係資源配合,如果我成為下任特首,我都想同港台嘅領導層傾傾,係政策不足定資源不到位,令港台在發揮空間上不夠。

主持:要出硬照係政策不到位定資源不足?

林鄭:我唔了解喎,因為港台唔喺政務司司長範疇,淨係知道好少有局長會為港台爭取額外人手。

港台工會代表:會否為港台爭取新大樓?

林鄭:新大樓?你要搞掂立法會啲建制派。有啲嘢當我哋一面倒話想做,但做唔到,都要睇政治光譜。港台新大樓唔係唔拎過去立法會,亦分配過資源、地亦劃咗喺度,但真係闖唔過立法會,所以港台同僚必須要幫手啦。

主持:增加運作資源是否較易?

林鄭:都要(過立法會),預算案要寫,可能佢一見到港台增加資源就拉布。

客觀講,永遠都僧多粥少,呢幾年擺得多福利,教育咪唔夠,我咪提出教育新資源。一個廣播電台嘅資源相對唔係佔好大部份,大家一齊努力啦!

發表意見