立場新聞 Stand News

林鄭:丈夫抗拒「第一丈夫」稱號 點票時李律仁笑稱不要一張問題票

2017/3/28 — 10:50

林鄭月娥,圖片來源:881903片段截圖

林鄭月娥,圖片來源:881903片段截圖

候任特首林鄭月娥今早出席商台節目,評論自己以777票取勝,「《聖經》裡面,7都係一個好好嘅數字,幾完美嘅數字」,又自嘲「七三廿一,走為上着,係唔係前路都好坎坷?」隨即表示會嚴肅處理行政長官的工作。 她又透露,當日選舉主任指有一張問題選票問她接不接受,身旁的李律仁大律師說笑建議「不如我哋唔好要」,但林鄭認為「投票意向係非常清晰,係支持我架嘛,咁所以梗係要埋喇」。

對於林鄭月娥丈夫林兆波是否不會出任「第一丈夫」的眾多公職,林鄭指「呢個係林生嘅意願,事實上佢連叫『第一先生』呢個名都抗拒,第二日可能叫佢做『行政長官配偶』」。她形容林生為「好低調嘅讀書人」,日後若出國外訪,而該地的數學機構吸引他,他可能隨行。又舉例,若自己去北京述職,他亦可順道探望兒子。

有問她有否打算做兩屆,林鄭指不會說得那麼絕對,因為「世事常變」,要看未來5年施政的成效及市民對她的支持,但承認「我真係欠我老公好多」。

廣告

被問到有沒有準備落敗宣言,林鄭回答有,但則表示「我未睇」,「揾青年人幫我寫咗,我又擺咗係度,諗住唔駛睇」。

廣告

發表意見