立場新聞 Stand News

桂敏海(桂民海)事件 — 你真係勁

2016/1/18 — 13:44

真係勁既唔係桂民海,而係促佢嗰班人。

成件事太大,無跟開者自行Wiki「銅鑼灣書店股東及員工失蹤事件」。

據報,桂民海於泰國公寓被帶走,哪來自首?佢唔通喺泰國打119?

廣告

好,我當你報導失實,假設我要自首,我為何不事前不跟老婆和女兒單聲?

好,我當你無親情,咁為何要偷入境先自首(唔好問點解,如果正常入境自首,中國共產黨一早揚開啦,仲等你D人做佢咩)

廣告

出身年不符咁大個洞唔同你計。

你話當年判曬然後佢走左佬(被判處有期徒刑兩年,緩刑兩年,即係唔洗坐?但係要走就要坐?),一個讀書人(1988年留學瑞典哥德堡大學,六四後入籍瑞典,取得博士學位,任職哥德堡大學直到1999年。2003為德國Nordpool諮詢公司顧問)咁容易著草我都唔同你計。

2006年佢入左獨立中文筆會(美國註冊的組織,邀集了一批流亡中文作家和中國國內作家如劉曉波等在2001年創立),咁大件事共產黨會唔知?D會員有幾多條腳毛你都知啦。

2012年大搖大擺成立巨流傳媒有限公司,做個通緝犯做到咁光明正大?定係醉駕撞死人再著草你地都唔會通緝?

到尋晚中央電視台公開佢自首,係佢消失二個月之後。

合理嗎?

然後李波既妻子,收到李波最新一封「家書」,內容提及配合調查工作以來,進展順利,最近才了解到桂民海的歷史很複雜,且涉及其他犯罪,更直指是被桂民海所累。李波信中提到,希望各方人士尊重他的個人選擇和家庭私隱,不要將他自願回內地配合調查的事件放大炒作。

和桂民海的訴求是一樣的,「不要將他自願回內地配合調查的事件放大炒作」。

時間上會太配合吧。

造成五個人的失蹤只是因為和桂民海此事有關,並不關因為原訂出版計畫涉習情史。

如果只係因為桂民海醉駕撞死人,要五個同公司既人一齊偷渡番去協助調查?因為佢地當時四個都喺車上面?不會吧,2003年佢地應該未相識。

然後所有大陸媒體立即大事宣傳。

我開始明白指鹿為馬真正意思,所有人一開始只是口說是馬,心知是鹿。當指鹿者指二十次,你認同二十次是馬後,你不會再覺得是鹿是馬有何所謂。當指鹿者指四十次,你認同四十次是馬後,你根本就已經分不清什麼是鹿,什麼是馬。你要的只是一個說法。

當年李旺陽綁著白繩雙腳著地、手搭在窗上的被自殺何嘗不是如此荒謬。

 

發表意見