立場新聞 Stand News

梁志祥就橫洲事件回應時序

2016/9/21 — 13:47

《蘋果日報》引政府內部密件披露,元朗區議會前主席兼民建聯立法會議員梁志祥,在參與政府及鄉事的橫洲發展計劃摸底過程中,主動提出將建屋量限制在4000個單位,與梁志祥聲稱於2014年初才知悉建屋規模講法有異。候任立法會議員朱凱廸今早於商台節目中,形容梁志祥講大話:「我諗佢係向公眾講大話,三番四次咁樣講大話。」

立法會選舉期間,朱凱廸已多次就橫洲事件質問梁志祥,梁志祥連日來對事件的回應講法如下:

8月22日選舉論壇

廣告

朱凱廸質問梁志祥,作為元朗區議會主席,為何要為曾樹和的利益,反對 17,000個單位的項目。梁志祥反斥「朱凱廸你唔好屈我…我點樣偏幫曾樹和啊?」強調萬七單位的計劃,政府從無在區議會提出。

8月28日另一選舉論壇

廣告

面對朱凱廸連日引述不同報章的昔日報道,指梁志祥反對萬七單位計劃,梁志祥指自己反對是基於交通配套考慮,並稱如果政府願意增加車路,他「全力支持」:「其實朱凱廸從來無事實根據去指控我……如果起五萬人嘅單位喺嗰個位置,得一條路,我認為需要加一條新嘅路,如果政府係加嘅,我全力支持( 17,000個單位)。」

之後經傳媒報道,政府為橫洲計劃,曾經與鄉事「摸底」後才縮減發展規模一事曝光,梁志祥後分別接受商台及港台訪問。

9月15日商台訪問

在9月15日商台訪問中,梁志祥以「奇怪」形容政府縮減規模的決定,指政府改變計劃後,沒有向他們詳細交代,又指自己不了解為何萬七個單位會變成四千個:

「2014年6月24日區議會會議,嗰日拎上嚟嘅係淨返 4,000個單位嘅方案,區議會文件冇顯示(第二、三期)……我作為主席,你拎上嚟嘅諮詢內容,我絕對唔會拒絕,但你修改咗內容,對居民有幫助嘅,我都唔會反對,感覺上政府有啲奇怪,點解改變咗計劃之後,冇詳細同我哋交代?呢方面唔係咁清晰,不過我覺得政治就有自己考慮囉。

(你唔了解點解萬七變四千?)唔係好了解。」

9月19日港台訪問

而在四日後的港台訪問中,梁志祥則表示,在2014年6月區議會會議前兩、三個月,政府第三度摸底,當時首度披露計劃已縮減成 4,000單位,梁志祥形容「未聽過」計劃有二、三期。

「點解將個地盤縮咁細?我冇仔細問,佢哋話因為做四千個較為容易,但往後萬三個單位會唔會再發展,我就冇聽得清楚,而家公佈嘅二、三期,係未聽過嘅。(當時你係咪覺得已經縮咗水?)當然係啦,後面嗰啲都冇講點樣做。」

9月20日《蘋果》引政府文件

《蘋果》昨日引述政府內部文件,指梁志祥在摸底期間,主動提出,主動提出將建屋量限制在4,000個單位,以避免與露天貨倉的持份者發生衝突,最後房屋署基於梁志祥的建議,提出押後二、三期。

梁志祥回應事件時稱,自己提出的建議只是「分階段」,政府當時沒有答應,因此對之後的「縮水方案」感奇怪。他又發聲明稱:「我必須澄清,從來沒有提出過,因『避免與持份者衝突』而建議調低建屋的目標。」

發表意見