立場新聞 Stand News

梁愛詩:銅鑼灣書店事件顯示社會透明 「以前冇人知添」

2017/6/23 — 11:22

基本法委員會副主任、前律政司梁愛詩接受港台專訪時指,人大常委會在法院正在處理「梁頌恆游蕙禎宣誓案」期間釋法,是要「維護法院威信」,因為如果在法庭作出裁決後才釋法,就是批評法院,「唔想由人大去講話佢唔對」。至於銅鑼灣書店事件,梁愛詩則認為,「可以睇到而家社會好透明,如果以前,呢啲咁嘅事件發生,根本你都唔會喺社會討論添,都冇人知道添。」她提出兩地可以有移交逃犯的協議,令事件不再發生。

回顧擔任律政司期間推動廿三條立法失敗,梁愛詩歸因於草案推出後不久爆發沙士,社會沒有充分時間討論,加上當時市民對政府的不滿,觸發七一大遊行。「政府當時有把握將法案通過,只係因為7月1號嘅遊行令到有政黨撤銷佢嘅支持,所以立法冇成功。」

「廿三條非惡法」

廣告

她亦指出,1990年時內地仍有反革命罪,可以以言入罪,以思想入罪,當時為照顧港人習慣的生活方式,因此要特區自行立法,「唔好覺得23條係惡法。」

排斥釋法礙完整落實一國兩制

廣告

談到釋法,梁愛詩不認同釋法衝擊法治,形容是「憲法新規定」,若排斥的話,「咁係咪『一國兩制』冇完整落實呢?」她指,主權移交20年來只有5次釋法,毋須擔心釋法變得恆常化。

對於人大常委在法院審理「梁游宣誓案」期間釋法,梁愛詩提出:「會唔會法庭又話,(基本法)104條只係講,佢要作出呢個宣誓啫,冇講話唔宣誓係剝奪佢議員嘅資格呢? 如果佢真係作出咁嘅裁決,然後人大常委會先釋法,係咪需要批評法院呢?」

她又指出,中央政府應該有個正式宣示,表明港獨不能接受:「人大常委會兩個月開一次會,11月7號唔釋法嘅時候,要等到下一次嘅會議先至可以處理呢件事。」

在2047問題上,梁愛詩認為言之尚早,但強調一國肯定不會變,30年後香港選項只有「一國一制」以及「一國兩制」,香港沒可能與中央就港獨談判。

發表意見