立場新聞 Stand News

林鄭質疑港獨非思潮 梁振英:要防微杜漸 不能掉以輕心

2017/6/13 — 10:24

梁振英(左)/ 林鄭月娥(右)

梁振英(左)/ 林鄭月娥(右)

候任行政長官林鄭月娥早前於訪問中表示,對港獨已成「思潮」說法有保留。特首梁振英今早回應指,他只是看過簡單的報道,不知道林鄭回應的上文下理。梁振英指,港獨如台獨主張同樣有「前奏」和「變調」,強調對「自決」、「分離」和「香港獨立」的主張要「防微杜漸,不能掉以輕心」,「必須立場鮮明咁講香港係國家嘅一部份」。

特首梁振英今早出席行政會議對傳媒表示,港獨如台獨主張一樣有前奏和變調:「就香港嘅主權歸屬問題、香港嘅獨立問題,或者有唔同嘅人提出自決、分離嘅主張咁樣嘅睇法,正如台獨一樣,係有前奏,係有變調。台灣有部份人士主張獨立,亦都唔係話第一日就開始就主張獨立。」他指,台獨的前奏是在90年代,台灣有人提出「一國兩府」、「主權不及台灣論」和「獨台」,表示這是台獨的前奏和變調。

梁振英直言要對港獨「防微杜漸」,他指:「所以喺呢啲咁重大嘅問題上,香港有人提出不同程度嘅自決、分離,以至香港獨立,我哋要防微杜漸,不能掉以輕心、不能掉以輕心,因為台灣經驗十分清楚。所以喺呢啲主權嘅問題上,我哋必須立場鮮明咁、必須立場鮮明咁講香港係國家嘅一部份。」

廣告

梁振英指,中國對香港擁有主權和《基本法》訂明的權力等,不符合《基本法》規定的香港自治是違反《基本法》,「所以喺呢個問題上,我哋應該係嚴肅嘅,同埋我哋要警剔嘅任何漸進式將香港分離出去嘅一啲主張」。

 

廣告

發表意見