立場新聞 Stand News

梁福元:元朗禮義之鄉 不打算反擊「光復」行動

2015/3/1 — 11:44

圖:無綫新聞片段截圖

圖:無綫新聞片段截圖

繼早前的上水和沙田後,有團體今日下午發起「光復元朗」行動,以表達不滿水貨客造成滋擾。鑑於過去幾次類似行動,都有示威者指罵購物的內地旅客,鄉議局執委兼十八鄉鄉事委員會主席梁福元希望,發起行動的團體守法,該區居民亦要保持克制,又指該區居民不打算有反擊行動。但他又提到,不排除有個別村民,見到挑釁行為會有所反應。

早前《文匯報》曾經預告,有元朗鄉紳表明,若有激進分子搞事,一定會「還拖」,元朗鄉事派組成的「元朗各界團體領袖聯席會議」昨日更警告示威者,不可衝擊店舖,將派遣有律師和拍攝人員的百人團隊,全程監察遊行,片段將作民事索償和刑事舉報證據。但由於警方表明若原居民用暴力會「一樣拉埋」,加上鄉議局主席劉皇發制止,有報道指相關行動已取消行動

梁福元今早出席無綫新聞節目《講清講楚》時表示,有關團體既然已取得警方不反對通知書,他不打算有反擊行動。他又稱,會勸村民克制,做合法的事,亦希望示威者守法。

廣告

梁福元在《講清講楚》節目後稱:

「元朗你知啦,好客之區,係禮義之鄉嚟架嘛,所以大家就放心啦,即係一隻手掌就拍唔響,我哋都經發哥(鄉議局主席劉皇發)勸籲,同埋啲鄉頭居民就冷靜下啦。大家關心嗰啲問題,即係唔係影響社會安寧,咁佢哋希望入嚟元朗和平表示訴求,我哋歡迎。」

廣告

他承認自由行的確令元朗部分地區受滋擾,但亦帶動區內經濟發展,又稱元朗區的水貨客問題,不及上水區嚴重,個人認為可以接受,區議會及當局因應情況,已作出擴闊路面及清理店舖阻街情況的行動,大幅改善元朗擠迫情況。他在節目中指,聽不到元朗的本土居民對情況有很大迴響:

「元朗其實冇上水各區咁嚴重,喺度包貨定點,冇集散場喺元朗啲市中心周邊。喺我個人覺得都可以接受。

我聽唔到元朗居民有好大聲音,但係我哋都感覺到有啲滋擾,但你話佢由外區到來『光復元朗』,令到有啲鄉民,特別是本土嘅居民有啲反感。自己元朗嘅嘢,咪大家坐低睇下點樣傾掂佢,有咩改善,其實大家都喺度做緊好多疏導嘅工作。」

他又認為,限制一簽多行旅客來港次數,有助紓緩水貨客問題,同時亦可尋求內地開放其他城市的高質素旅客來港。

發表意見