立場新聞 Stand News

梁錦松倡普教中 稱「非人人母語是廣東話」 趙學而發火:香港開埠以嚟都係講廣東話

2016/10/6 — 19:14

前財政司司長梁錦松今年初公開力撐普教中,更稱香港人「唔係個個母語都係廣東話」,認為普教中對寫作有好處。藝人趙學而日前接受《蘋果日報》訪問,就發火炮轟梁錦松,「呢度始終係香港,香港由開埠以嚟都係講廣東話,就係咁簡單!」

趙學而在專訪中明言,聽到有香港人稱廣東話不是母語,「支火柴即刻著」。她不點名揶揄梁錦松:「你點可以將自己一路以來嘅成長,完全好似粉筆字咁抹晒?咁你不如轉世投胎啦!做過第二世人啦!」

趙學而又稱即使是潮州人都會撐潮州話,認為中國有很多城市,每個城市都可能有自己的方言,「點解唔可以堅持自己嘅語言呢?」她又指香港人由細到大都是聽廣東歌、看港劇,「忽然間開電視全部講國語,你都覺得有啲奇怪」。

廣告

梁錦松在今年1月於一個教育主題講座上,重提1998年時任教統會主席期間,母語教學並非由他提出。他表明自己支持普教中:「點解中文唔係用普通話呢,唔係個個母語都係廣東話嘛,如果用普通話教中文,可能寫作方面好好多。」

當時趙學而已在facebook分享梁錦松的報道,並強調廣東話是香港人的母語,「我由細就係講廣東話大嘅!幼稚園,全廣東話教學。小學,全廣東話教學」、「可以認認真真用到兩文三語,就係我哋呢代人!」

廣告

發表意見