立場新聞 Stand News

【法律界論壇】文理明質疑郭榮鏗 版權條例「點解要爭取最好?」

2016/8/30 — 13:17

商台節目《在晴朗的一天出發》今早舉行法律界功能組別候選人論壇,其間報稱獨立的文理明,質疑公民黨郭榮鏗,在《2014年版權(修訂)條例草案》的立場,是把香港置於不先進的位置,「揀晒人哋(其他國家)最好(法例條文)囉」、「我唔明點解你要爭取到最好」。郭榮鏗反問,「點解香港人唔可以有最好呢?」

文理明在節目中質疑,當時大律師公會和律師會分別發聲明支持通過草案,但郭榮鏗堅持要修正案通過才肯支持草案,又批評郭榮鏗在不同國家的版權條例中,抽取最好的部分要求在港實行。主持人和郭榮鏗均質疑,香港人是否不值得最好,文理明稱,「但大部分人唔需要,係你自己覺得要最好啫」,以及「我哋都未去到嗰個地步,點解要去到最好呢?」

她又指修訂條例已拖了10年,「已經畀咗好多豁免喎」,批評反對的人「豁免要攞到盡」,且質疑郭「點解唔可以通過咗再傾」。

廣告

文理明:簽確認書咁小事都做唔到 點做大事?

郭榮鏗回應時,表示作為議員,除了考慮法律理據,還要考慮經濟和民生,版權條例是政策問題,認為香港在21世紀需要更開放和公平的版權條例,「因為如果我哋真係想搞創科,擁抱互聯網發展,我哋嘅版權條例應該係好開放,例如Google公司永遠唔會喺香港成立,因為我哋嘅版權法太保守,即使修訂條例都係過份保守」。

廣告

談到選管會早前要求立法會參選人簽署擁護基本法確認書,當中本土民主前線梁天琦更被取消資格,原因是他雖簽署了確認書,但選舉主任不信納其真正改變了他過去主張及支持香港獨立的立場。

沒有簽署確認書的郭榮鏗批評,「呢個唔係人治係乜嘢?呢個唔係衝擊法治係咩呢?」強調作為法律界代表,《基本法》中160條條文,每條都重要,質疑簽署了確認書的文理明,「政府抽3條條文出嚟叫你簽你就簽」,又指「佢(政府)今日揀呢3條,但係下一次,佢揀23條出嚟,叫你簽,簽完之後開咗個咩先例?」

文理明反駁指,「點解你簽一份嘢都咁困難呢?你做呢啲咁少嘢(簽確認書)都要執著嘅,你點做大事呀?呢個亦都唔需要執著嘅嘢,有咩咁出奇呀?簽個名叫你做confirmation、話你明白嘅嘢咋喎」。

文理明:政治是妥協 冇得話守住

她又稱,雖然覺得這份確認書是多餘,但認為需理解,政府做這份確認書,是因為覺得社會有問題,「有人譬如宣揚港獨,佢到底係咪真係理解呢啲基本法裡面嘅條文呢?話畀你知我哋知呢啲條文,你係咪真係擁護到呀?」她反問「有啲咩問題呢?」

文理明在論壇開始時,批評有公民黨背景的郭榮鏗,把很多議題政治化,又不肯妥協,「郭榮鏗個黨都係賣對抗式,要頂住條底線,但係社會要前進,有啲價值一定要守住,但有啲政治... 政治係一個compromise嚟㗎嘛,即係妥協,即係冇得話守住,即係冇得話政治只係守住㗎」。

對此,郭榮鏗質疑,作為法律界代表,《基本法》的一些條文,不能因為政治考慮,或者其他考慮就放棄,他舉例指,《基本法》指提名委員會要有廣泛代表性,他認為「831決定」中的提名委員會絕對談不上廣泛代表性,「你話作為法律界代表,基本法啲條文可以唔理嘅?」

發表意見