立場新聞 Stand News

泛民還能真正代表我嗎?

2018/11/16 — 13:16

劉小麗、李卓人

劉小麗、李卓人

對於我嚟講民主最大嘅定義係「承擔」與「更替」。點解奧巴馬會贏?點解希拉里會輸?道理好簡單,能夠提高投票率,推動選民投票嘅係希望,係改變,係活力。我哋唔想再見到你哋班 uncle auntie 同我哋講,「我好擔心班後生仔」,唔需要講㗎,「知啦,唔駛你擔心,你唔好阻住曬就阿彌吉帝啦」。

泛民今次最大嘅錯誤就係搵李卓人做劉小麗嘅 Plan B。2016 年自決派大勝,其實唔係因為政治理念,而係選民終於見到新嘅選擇,因為希望改變,所以會排隊投票。如果劉小麗嘅 Plan B 係一個年輕人,成件事就會好唔同。劉小麗團隊相信自己的票源源於左翼政治理念,但事實上新鮮才是她的最佳賣點。泛民選擇協商而不搞初選,但「協商」根本就係一個有計算嘅選擇,既然「選擇就是捨棄」,咁即係泛民為了討好一班人, 捨棄了「我哋」,所以先會搵李卓人做 Plan B。既然選擇了就必須承擔後果。要承擔嘅就係呢個選擇會讓一批人投唔落手,誤判大局鼓動不到選民投票的意欲,今次補選泛民是責無旁貸的。錯難道唔駛負責任嗎?

有好多人話「泛民」起碼有得你「捽」,有得你「鞭策」,但當我嘅諗法你唔接受,當我嘅意見你唔聆聽,當我無辦法改變你嘅時候,你還能真正代表我嗎?站於我一個雨傘後關心政治嘅香港人嚟講,投李卓人就等於倒退,就等於泛民漠視我的聲音,既然建制又唔聽我講,泛民又唔聽我講,咁我投票嚟做乜?There is no lesser of two evils, both sides are incapable to make any difference against this inevitable evil we are facing!

廣告

你話我放負又好,焦土又好,你繼續唔去改變,我哋只會不停諗方法去取代你哋,唔係嘅話無人代表我哋,我哋一世都無運行!

 

廣告

(標題為編輯所擬,原刊於作者 Facebook

發表意見