立場新聞 Stand News

泛民「重啟政改」議案遭否決 葉劉怪論撐篩選 梁家騮投反對票

2015/2/5 — 18:20

立法會今日以24票贊成、35票反對,否決由工黨何秀蘭提出,促請特首要求中央撤銷人大8.31決定的議案。

新民黨葉劉淑儀發言表示反對議案時,提出怪論,指泛民要求否決政改方案的理據不成立,任何選舉都有篩選成份,要求落實真普選亦是欺騙市民的說法。她舉19世紀英國女性爭得投票權為例,指她們爭取到的都不是平權;又認為特首職位得一個,篩選無可避免:

「...百幾年啦,我哋再冇聽過女人,其他少數族裔或者其他族群,去爭取被提名權?冇架喎!而家我哋知道美國一個著名女性希拉利,多次出嚟爭取選舉美國總統,都選唔到,人哋有冇話去國會抗議,要求人哋確保佢入閘?確保佢選舉吖?冇架嘛,咩叫冇篩選呢?選舉一定有篩選架。」

廣告

葉劉:百幾年再冇女人爭取提名權

她強調,泛民不應「未努力就話自己唔得(入閘)」,並要求降低入閘門檻:

廣告

「我哋點可以話未選提委會,就假設呢啲人係唔跟據佢嘅選民,即香港市民嘅意願去投票呢,點解我哋有啲泛民嘅同事、人士,喺提委會都未正式選出,政府的方案都未拎出嚟,就假設自己一定唔可以爭取到提名呢?我哋個個都參加過選舉,唔知道要去拉票架咩?有陣時拉得到,有陣時拉唔到,我哋個個都知道要做選舉工程,要有政綱,要有宣傳,要有個人形象嘅打造,並要接受好多選舉論壇,並且人身攻擊嘅洗禮。

點解你都未去努力就話自己唔得呢?要人哋撳低個門檻去就你呢?等於一啲學生,老師都未出試題,就話定自己唔合格,要人哋將啲程度撳低,嚟畀你考到咁。我覺得呢啲係完全唔合理。」

陳家洛寸葉劉一時一樣 「準備選特首就更醜樣!」

葉劉淑儀發言時又批評何秀蘭,假設提委會純粹只跟北京指示作選擇,因為就算愛國愛港的陣營,都「時不時有啲人士唔跟北京意思行事,仲當自己係英雄添。」緊隨其後發言的自由黨田北俊則不忿地揶揄葉劉淑儀,「(葉劉淑儀的發言)中英夾雜,希望我哋啲翻譯員可以同我哋翻譯到以上啲說話啦。」

對於葉劉淑儀大講英國例子,公民黨陳家洛自言在大學教英國政治逾25年,從未聽過那麼差的報告,「斷章取義,篩選材料,求祈堆砌,自以為事,不學無術」。陳家洛支持何秀蘭的動議,他說8.31決定封建不堪,又指建制派充當中央及特區政府的「啦啦隊」,對泛民羅織否決政改方案的罪名,他認為8.31框架下的政改方案是「爛橙」,會食壞香港人。

陳家洛又指,當時英國政府以暴力對待爭取平權的女性,質疑葉劉淑儀是否警告香港人,當她將來做特首時,就會這樣對港人了,又諷刺她變臉:

「就算去到美國,去到史丹福大學,跟咗Larry Diamond教授讀書又點呢?去到洗底返嚟又點呢?剛才佢引嘅另一位教授就勸香港人『袋住先』,但佢唔記得咗佢老師Larry Diamond,喺去年人大8.31決定之後,接受《南華早報》訪問,話『唔好制呀,呢個係伊朗式選舉呀!』嘩,葉劉淑儀議員,乜你讀書一個樣,讀完返嚟又一個樣,準備選特首就更加醜樣!偏聽成咁?鍾意聽邊個老外的說話,就聽邊個老外的說話,連自己嘅師父都唔認!」

曾稱會否決政改 梁家騮卻投反對票

民主黨單仲偕指,趁昨日中聯辦舉行酒會期間,向中聯辦官員提交信件,表明如按人大框架,泛民議員會否決政改方案。

經民聯梁君彥就稱,如果今次政改「凍過水」, 社會將會出席永無休止的爭議及內耗,經濟民生發展都會受到影響。而今日表示會按醫學業內選民的意願,否決政改方案的醫學界梁家騮,卻在此動議中投了反對票。

政制及內地事務局副局長劉江華表示,希望議員不要放棄任何可以促成2017年特首普選的機會,特區政府亦會努力至最後一刻,爭取議員支持,希望議員不負市民期望,支持政制發展,不要虛耗光陰。他又指政府樂見部分有心人努力在人大框架下尋求最大可行空間,落實普選,衷心希望議員從務實角度出發,積極參與討論,尋求共識。

發表意見