立場新聞 Stand News

活在香港球內,盡是虛擬的生命

2016/8/1 — 19:11

上週一開始,天水圍公園每晚也有精靈訓練員聚集。

上週一開始,天水圍公園每晚也有精靈訓練員聚集。

【文:灰狗@ 進步會師】

最近香港的熱潮一定要數捉小精靈遊戲。

確實呢個遊戲對香港人的影響也不少

廣告

先不說什麼人人變成低頭族呀,影響日常交際之類(反而小精靈遊戲完全改善和街坊的日常交際!)

廣告

我們不妨學學某太平山手牽手組織,正能量一點:

你何曾見過四五十歲媽媽級同仔女親子打機,幾耐未試過有共同話題、興趣?

你何曾見過晚上十一二點公園還是滿滿的,一家大細男女老幼?

你何曾見過大媽地盤失陷,落荒而逃?

你幾耐未試過有啲野係香港地方、香港限定,強國拿不走,搶不掉?

雖然筆者無玩小精靈遊戲,但心入面都是「呵呵呵呵」的。

除佐上述現象,係令人感覺良好之外

長輩唔會一見面就問三問四,催結婚生仔,佢地只係叫你幫佢捉小精靈。

女朋友呀、老婆呀唔再嫌你無時間陪佢,唔再怨同你傾計只係「唔哦嗯」因為佢地只掛住捉小精靈。

面書少咗ABC港女自拍帖、High Tea帖扮野帖,全部變成捉到稀有小精靈晒名帖。

平行時空,呢個香港亦同時出現一些人

會叫你一大班人出街捉小精靈記得通知警方的「智者」

會叫人一齊借捉小精靈出街作亂的「抽水機」

會借大家都忙住捉小精靈時偷偷地做衰野,搏人唔知唔覺的「阿爺」

希望各位玩的同時,得閒都是抬抬個頭,睇下路,睇下一啲真實世界入面的妖魔鬼怪所做的事

呼,不過算了。

抬頭對住絕望的現實世界,又難怪香港人寧願低頭沉迷捉精靈的世界。。。

 

作者簡介:一直用不同筆名不同風格到處遊走的會計師,感覺香港不再是家,希望將來能找到真正的家。

 

發表意見