立場新聞 Stand News

港大傅景華:街頭簽名非隨機抽樣 二百萬都冇代表性

2015/5/13 — 11:50

由港、中、理三大聯合進行的民調顯示,支持政府方案的市民比率連日下跌,「保普選反暴力」大聯盟發言人周融昨日公開表示,三大民調只訪問1000人,不代表全港700萬人;繼昨日理大鍾劍華指周融「對民調缺基本認識」後,港大新傳研究中心助理教授傅景華亦指,民調要「隨機抽樣」才具代表性,「呢個係一年級學生入嚟學最基本既一樣嘢」,又指街站簽名不是隨機抽樣,「一、二百萬基本上都冇代表性」。

傅景華昨日接受港台訪問時稱,民調要有代表性就要隨機抽樣,這是大學一年級學生就要學的、最基本的一點;而街頭簽名運動因為不符此一原則,「無論一、二百萬,基本上都係冇代表性」。

呢個基本上係我哋一年班學生入嚟學嘅最基本嘅一樣嘢,民意調查最重要因素係所謂隨機抽樣,隨機抽樣個過程係咩意思呢?即係話每一個社區裏面嘅人,都有同樣機會被抽中,得出嚟嘅結果係有代表性,因為佢可以透過一個樣本嘅資料,去評估到成個社區個態度係點。

咁至於你講簽名運動,或者街頭嘅活動,基本上完全係不滿足所謂隨機抽樣,因為你喺咩區擺、有乜人會行埋嚟,有啲咩人會多啲行街,有啲咩人會被招手,完全係每一個人係有唔同因素,有啲人揸車、永遠都唔會行過嗰區,有啲人搭地鐵,唔係成日成街,咁永遠都唔會入到去。唔係一個隨機過程,出嚟嘅數字,無論佢有一百萬、一二百萬,基本上都係冇代表性。

廣告

保普選反暴力大聯盟發言人周融昨早指,港中理三大民調只訪問約1000人,但全港有700萬人,質疑調查能否代表全港市民;他又建議,應採用「奧運方法」,將不同民調最高及最低的比率刪除,然後參考不同民調的平均數。

廣告

發表意見