2016/11/7

人大第五次釋法

2016/11/7

2016/6/16

林榮基勇敢說真相 爆中央拘押手段

2016/6/16

2016/12/2

政府入稟覆核四議員資格

2016/12/2

2016/12/6

申訴專員指政府阻網媒採訪投訴成立

2016/12/6

只需每月贊助$200

守護言論與新聞自由

立場新聞,寸步不退

守護言論與新聞自由。立場新聞,寸步不退

每月贊助$200,支持立場新聞

7
立場新聞 Stand News

港大退聯之「共產黨最高興」論

2015/2/14 — 17:54

圖為昨晚退聯公投點票中,45個票箱之中第10個票箱之點票情況。圖:Campus TV, H.K.U.S.U. 香港大學學生會校園電視

圖為昨晚退聯公投點票中,45個票箱之中第10個票箱之點票情況。圖:Campus TV, H.K.U.S.U. 香港大學學生會校園電視

由幾時開始,我地做人做事的準則係要睇「共產黨高唔高興」?大家要含淚投票俾泛民!否則「共產黨最高興」;大家唔好退出學聯!否則「共產黨最高興」;大家唔好批評左膠!否則「共產黨最高興」;大家唔好衝擊升國旗!否則「共產黨最高興」......

咁點解當日又要勸大家從佔領區撤離?唔怕「共產黨最高興」咩?點解民主黨要入中聯辦密室談判?唔怕「共產黨最高興」咩?點解要反對本土派的「光復行動」?唔怕「共產黨最高興」咩?點解左膠孔令瑜當日要向毛范譚三個溫和本土派開記招下戰書?唔怕「共產黨最高興」咩?點解左膠要支持中港融合?唔怕「共產黨最高興」咩?點解天主教正義和平委員會要「為中港融合祈禱」?唔怕「共產黨最高興」咩?點解孔令瑜要盲撐縱火犯施君龍?唔怕「共產黨最高興」咩?點解左膠要圍插陶傑?唔怕「共產黨最高興」咩?

廣告

麻煩你解解俾我聽?

另外,你地憑咩野判斷港大退出學聯,共產黨就會「最高興」?點解唔係公投結果反映年青一代急劇「去大中華化」,反而令「共產黨最頭痕」?共產黨會寧願揀一個大中華的學聯做對手,定係揀一班本土意識抬頭的人做對手?你敢肯定咩?更何況,共產黨內部咁多派系,佢地既利益同取態會全部一致咩?就算當你判斷正確,咁根據係乜野?證據在何處?說好了的「科學客觀中立不偏頗不以偏概全」呢???

廣告

做人可唔可以唔好咁虛偽?唔好太雙重標準?「知行合一」少少好嗎?我要求都唔算好高啫。而家兩邊龍門射晒,你玩晒啦。咁搬龍門法,同共產黨有咩分別?學葉寶琳小姐話齋,「你憎中共卻變成擁有中共特質,值得嗎?」(2015年2月11日)

其實公道少少講,今屆學聯可能已經係歷屆之中最唔近大中華同左翼意識形態的了。但咁唔代表港大學生就必然要支持同加入。無論左定右,起碼要有一個基本共識,就係要尊重民主機制,尊重公投結果。雖然好老實講,我暫時睇唔到退出學聯會有咩即時而明顯的影響,但選舉總係有輸有贏,麻煩學聯班人尊重返投票者的意願,講少D酸溜溜的意氣說話,D咩「垃撚圾」的言論就麻煩衰衰地道返個歉,俾返少少風度。咁大個組織咁疊馬又成億資產又盛,唔係咁都輸唔起掛?

最後補充返,講左咁多,大家可能會以為我好支持退聯。但好老實講,完全唔係。你見我之前一直冇乜講過退聯單野就應該估到,其實我對退唔退聯係冇咩感覺,亦冇咩所謂。我只係睇唔過眼有D人發膠論又從來冇反省意識啫。

圖:前學聯秘書長陳倩瑩(Daisy Chan)於港大退聯公投獲通過後於個人面書上的發言。

圖:前學聯秘書長陳倩瑩(Daisy Chan)於港大退聯公投獲通過後於個人面書上的發言。

原刊於作者 facebook

發表意見

相關文章