立場新聞 Stand News

【睇片】烈女現身立法會 三分鐘連珠炮轟高官、警察 網民勁like

2016/2/22 — 21:01

立法會福利事務委員會今日召開特別會議,就退休保障議題聽取團體及個別人士的意見。會上一名市民關穎怡,在三分鐘的發言中狂轟退保方案、大白象工程、暗角七警、朱經緯涉打人、警員向天開槍、吳亮星「洗頭艇」論、梁振英涉嫌收UGL5,000萬等多宗事件,警告一眾高官、議員及香港警察,小心有報應,精彩言論在網上廣傳。

在短短三分鐘的發言中,市民關穎怡連珠炮發,狂轟近年政府施政的種種荒謬。對於退休保障設資產上限,她怒斥:「喺呢個官商勾結、百物騰貴嘅香港,平民街市都比領展收購哂,買斤毒菜都要30蚊,3230蚊夠買毒菜定買燈油火蠟呀?」

她又斥政府不斷展開大白象工程,卻不願為民生問題撥款:「港珠澳大橋、高鐵、蓮塘口岸呢啲大白象工程,斬件式永無止境咁追加撥款,仲要夠膽死繞過工務小組,咩都粗暴通過,啲工程幾千億幾千億都唔嫌多,你用喺民生一蚊都嫌多?你同我講赤字?難聽啲講句,你哋班狗官仲衰過做賊囉!」

廣告

她又在發言斥香港禮崩樂壞,警員向天開槍竟然合符規定,又不點名批評吳亮星在立法會發表未證實的「洗頭艇」論。她又指梁振英涉嫌收UGL5,000萬事件、朱經緯涉打人、陳茂波囤地風波等,通通沒有了下文。

在發言最後,她警告各高官小心有報應:「我想remind一吓,打工打到連自己條底線都唔知去咗邊嘅梁振英,(不過其實可能一路都無),同埋一眾高官、議員,同埋香港警察,呢個世界有一樣嘢叫『報應』。呢一刻我可能吹你唔漲,但世世代代嘅香港市民都會放長雙眼,睇吓你哋點折墮囉!」

廣告

 

發表意見