立場新聞 Stand News

無比冷血心腸硬的林鄭

2019/7/5 — 15:44

無綫新聞 6 月 12 日專訪林鄭月娥報道截圖

無綫新聞 6 月 12 日專訪林鄭月娥報道截圖

在警方大搜捕的同時,第四個犧牲者悄悄出現了。

這一切,全是林鄭月娥搞出嚟,呢個人,啃着年青人的血肉,連骨吞下,但喺拍片時,流下鱷魚淚,扮同情,口口聲聲話自己也是母親。

流淚?母親?唔好話母親,一個正常人,聽到有幾個年輕人自殺,都不禁動容。一對正常父母,聽到年輕人一個一個自我犧牲,會看着自己兒女,看着那天真的笑臉,看着那爛漫的背影,黯然無語,心中落淚,害怕他們將來成為政權「謀殺」的對象。

廣告

但林鄭沒有。在私,她作為一個人,一個人母,一個長者,對於年輕人接二連三為政治訴求絕望尋死,無動於衷,沒有惻隱之心,沒有愛護之心,沒有慈悲之心。即使記者當面問佢呢個問題,她仍然扮聽唔到拒絕回答,心之硬,腸之毒,血之冷,真令人打了一個寒噤,倒抽一口涼氣。

在公呢?作為一區之長,自己管治之下,有年輕人接二連三絕望尋死,而且仲要因為自己推行嘅政策,就算你內心多冷血,作為香港最高領導人,係咪至低限度都要表達吓關注,勸人唔好咁做?至低限度啦係嘛?但林鄭呢?竟然覺得一啲責任都冇,唔講唔提當見唔到聽唔到,你係香港社會嘅管治者喎,你做四十年官啲糧邊個出畀你?係整個香港社會各司其職去供養你㗎喎。依家個社會出咗咁大問題,短短唔夠一個月有幾個人表明因為你嘅施政自尋短見,你可以一句聲都唔出?咁你有咩資格繼續管治香港?你有咩顏面繼續出糧?有咩廉恥繼續住喺禮賓府?

廣告

一個人,最初諗住將成個香港推去深淵,眼巴巴睇住市民一個一個去抗爭,年輕人一個一個去犧牲,佢不吭一聲,跟住又話知錯要溝通,結果就出盡全力大搜捕,連 14 歲都不放過。呢個人,失責到咁,無恥到咁,冷血到咁,卻位極人臣,真係香港最大嘅禍患。好吧,禍兮福所倚,正因為你嘅惡毒,香港人痛醒了,你唔好下台,我們走着瞧!

 

作者 Facebook

發表意見