立場新聞 Stand News

無語笑三聲

2017/3/15 — 19:23

電子媒體特首論壇:曾俊華、林鄭月娥、胡國興(圖片來源:直播片段截圖)

電子媒體特首論壇:曾俊華、林鄭月娥、胡國興(圖片來源:直播片段截圖)

微笑大笑狂笑中看圖。

上個月二十六號,我控訴:「上樑不正下樑歪,是非不分,指鹿為馬,賊喊捉賊,粗鄙無文,自取其辱。」無語問蒼天,剎那間悲傷。

噚晚,電視直播辯論,無甚足觀,但soundbite處處,左一句「撕裂2.0」,右一句「你啲嬲嬲上到鼻哥喇」,上一句「你講緊邊個」,下一句「你信嗰個調查」,無語笑三聲,大快人心囉。

廣告

要知道,聰明反被聰明誤,金錢買唔到團隊精神,口若懸河掩飾唔到言辭空廢,乾笑奸笑不自然苦笑,處處顯出虛偽矯情。

香港地,唔需要大有為嘅官僚,淨係需要力爭和諧與民休息嘅領袖。領袖唔需要好叻,淨係需要虛懷若谷,胸襟廣闊,吸引四方能者為香港賣命,死而後已。

廣告

點解講呢啲?因為我關心香港,杜琪峯話齋:「如果你覺得正確都唔行出嚟,我驚我一世後悔!」不過,雖然唔鍾意小圈子選舉,但唔可以唔承認,手中無票嘅殘酷荒謬怪誕事實,我又一次無語問蒼天。

 

原刊於作者Facebook

發表意見