立場新聞 Stand News

【無限續習?】鄭耀棠:修憲是人民的意志 如果過去做法「阻住地球轉」就必須改革

2018/2/26 — 17:33

背景圖片來源:線報片段截圖

背景圖片來源:線報片段截圖

中共中央建議修憲,廢除國家主席及副主席連續任職不得超過兩屆的制度,被視為國家主席習近平有意於2022年後繼續執政的部署。工聯會港區全國人大代表鄭耀棠今午在記者會上表示,修憲的決定是以民意為依歸,並不存在倒退問題。有記者問及,到底是已故最高領導人鄧小平還是今次中共中央委員會的一套比較正確,鄭耀棠認為這並非對錯的問題,而是如果過去的做法已不適合社會發展,「阻住個地球轉」,就必須要進行改革。

工聯會今午召開記者會講解兩會提案建議。鄭耀棠被問到對修憲立場時稱,現在中共總書記及軍委主席都不設任期限制,取消國家主席的任期限制能夠將黨政軍架構統一。他表示:「我自己覺得講終身制無乜意思,在於呢個人有無能力,假若人民認為呢個人有呢個能力,應該要繼續為國家服務,咁我哋無乜理由違抗人民的意志。」鄭耀棠又反問:「佢有能力,點解唔可以比有能力嘅繼續落去呢?」

至於有評論認為,已故國家領導人鄧小平過去曾努力推動廢除領導幹部終身制,推動領導幹部任期制,認為中共現在提出廢除國家主席兩屆任期限制是倒退,鄭耀棠表示不認同:「依個無對與錯嘅,我今日做嘅嘢我認為我啱嘅,但係過左一段時間,已經落後咗架啦,做嘅嘢已經唔適合果個社會嘅發展,或者依個做法,定落嚟嘅嘢,阻住個地球轉,咁係咪要進行革新啊?係咪要進行革命啊?必然係咁樣嘅規律架嘛!唔可以一句說話就做到底架嘛!」

廣告

有記者追問,鄭耀棠言下之意是否指鄧小平「阻住地球轉」,鄭耀棠急忙說:「你講咋下,唔係我講架。」

廣告

發表意見