立場新聞 Stand News

無須修例真直選變假 民主程度未前進先倒退

2016/8/3 — 14:14

本土民主前線梁天琦(左)在確認被選管會選舉主任確定提名無效後,在九龍灣出席記者會,本民前與青年新政等名成員同行。

本土民主前線梁天琦(左)在確認被選管會選舉主任確定提名無效後,在九龍灣出席記者會,本民前與青年新政等名成員同行。

今年香港立法會選舉份「確認書」無論你簽同唔簽,只要政府認為你支持港獨,就可被落閘。梁天琪早前答覆選舉主任「港獨問題」信件入面,技術上基本已封曬後門,又反問選舉主任如何質疑佢唔係 bona fide(真誠、良好意願)擁護《基本法》。

選舉主任通知梁天琪不接納提名有效文件雖然長達12頁,但可簡單總結,無論梁天琪點同舊 Facebook page 切割,你一日提過港獨,我估死你一世都會推港獨,你想入議會乜都嗡得出。選舉主任好似用「讀心術」咁分析出梁天琪非真心擁護《基本法》。

廣告

只要行政機關官員主觀認為某人非「真心擁護《基本法》」,就可篩走。僭建「確認書」同人大常委831「假普假」方案嘅有異曲同工嘅效果。今次對曾經主張港獨參選者落閘,今次可怕嘅事係,喺無需修改法律情況下,單純透過扭曲法律就可僭建一道閘,將地區直選制度改為「假.直選」。

假直選呢招操作僭能無限,今次只係動用咗《基本法》第一條(香港係中國不可分離一部份),仲有好多條條文可提供非常大嘅詮釋空間。例如,如果你係真.共產主義者(我指經典馬克思主義嗰隻)想參選,亦可話你政治立場抵觸基本法第五條同第六條(香港特別行政區依法保護私有財產權),選前已將你出局。

廣告

可推測,即使有日香港、澳門成功爭取法律文字上符合國際準標嘅「真普選」,中共仍可運用影響力,阻止任何人參選。即使《基本法》所謂「一國兩制」能夠「永續」,相信只會係文字表述仍相同嘅程度,因五十年未去到一半,已客觀有巨大嘅變化。

今次香港喺冇改法例情況下,都可將立法選舉中真地區選部份由真變假。只嘆香港、澳門民主化尚未爭取到任何進展,已先要面對公民權利上大倒退。
 

 

發表意見