立場新聞 Stand News

熱愛基本法、擁護基本法?收聲啦王振民

2016/8/16 — 18:05

王振民(資料圖片)

王振民(資料圖片)

王振民話「談論」港獨已經涉嫌違法,既然我哋大家都熱愛基本法擁護基本法,不如一齊睇下《基本法》。

第22條

「中央人民政府所屬各部門、各省、自治區、直轄市均不得干預香港特別行政區根據本法自行管理的事務。」

廣告

中聯辦法律部部長王振民,基本法邊時邊刻邊一條容許你干預香港事務?你可以解釋話你只係講下唔算干預?若果係咁點解講下港獨又會犯法?

你用口干預香港事務就可以,人地用口講港獨就犯法?我地一般叫呢種做「只許州官放火」。

廣告

第27條

「香港居民享有言論、新聞、出版的自由,結社、集會、遊行、示威的自由,組織和參加工會、罷工的權利和自由。」

第34條

「香港居民有進行學術研究、文學藝術創作和其他文化活動的自由」

若果講下都違法,係咪即係以言入罪?香港居民享有言論自由去咗邊?港獨唔可以進入校園,學術研究自由又突然消失?說好的擁護基本法呢?

而根據中聯辦網頁,中聯辦只有五個職能:
1. 聯絡外交部駐港特派員公署同解放軍
2. 聯絡協助內地部門管理中資機構
3. 促進香港同內地交流合作 聯繫社會各界
4. 處理涉台事務
5. 承辦中央交辦其他事務

邊一隻項俾空間中聯辦插手管香港事務?王振民「法律」部長,如果你識睇中文字,麻煩你收聲,你先真正破壞緊基本法。

又講小小故,從前有位中聯辦宣傳文體部部長郝鐵川經常係香港說三道四,佢而家喺上海看守文史研究館。最後以古思堯名句作結:

「企開啲啦 XXXX!」

 

作者 facebook

發表意見