立場新聞 Stand News

犬儒真是一種病

2016/4/25 — 19:11

今早,粉嶺馬屎埔村被恒地收地,村民和聲援人士阻止,期間有村民和巡守者受傷和被捕。(圖片來源:東北告急,冇你點得?fb)

今早,粉嶺馬屎埔村被恒地收地,村民和聲援人士阻止,期間有村民和巡守者受傷和被捕。(圖片來源:東北告急,冇你點得?fb)

圖片由作者截取

圖片由作者截取

1. 今天新界東北的馬屎埔守地行動就是傳說中「冇用」的「和理非」?和平集會?早上七點幾,七八十個大舊衰暴力保安,加埋幾十個差佬,已憑人數和突襲,完全封鎖農地,四邊都有大量人手。後來的清場是為甚麼出現?因為我們唔甘心,十幾友突破幾重封鎖,爆番入去,有朋友條裙穿左條褲穿左損手爛腳,有朋友仲要因此而面對刑毀官非。呢啲係「弱者道德感召」博同情?十點幾就失守,係真係人數實力冇得鬥,幾十人圍埋黎(見文末片段)。

廣告

2. 得十幾友就正正係因為「和理非」?我地如果高呼「打柒保安」就會有大量朋友聲援?

3. 係咪打交就有得鬥?你係咪詠春師傅?打交只會令保安更勇武,傷得仲甘,而且法律成本極高,拉曬,之後的抗爭一定是今日嘲笑的人仆到去做啦。肯花五年十年跟到尾的,按他們的指控,就是「永續社運」丫嘛,而為了不要「永續社運」,「一鋪清袋」就一定最好了。咁他們去啦。

廣告

4. 覺得新界東北抗爭者唔夠進取的朋友,大可以自己諗方法自己做野並自己負責,整個東北收地幅員極大,大可勇武反佔恆基其他地方。陳茂波、梁振英、李兆基個個生勾勾,地址和office全部是公開資料。勇武咁有效,你唔去搞佢?

5. 用食花生的態度譏笑,可謂無知。講到好似新界東北佢冇份咁。史上最貴的所謂新巿鎮,秏資1200億公帑,笑的每個人都有份蝕,每人萬幾蚊,不但消滅幾百公頃鄉郊與農地,打開了城鄉失衡的缺口,永久改變香港的地理格局,更要犧牲程序公義,成就梁振英向地產商派彩求支持連任的利益輸送。東北故事,從來不是地主與農夫的鬥爭,而是每個香港人與政府和地產商的保衛戰,你我都有份。

如未share,請share清場片段:

 

作者按:本文為個人意見, 與組織無關;作者 facebook

發表意見