立場新聞 Stand News

批毛孟靜「去大陸化」動議 王國興:種族歧視

2015/11/19 — 16:25

公民黨毛孟靜在立法會提出,保障香港不受「大陸化」的無約束力議案,議案今日在一眾建制派反對之下,最終遭到否決。工聯會王國興發言時批評,如無強大祖國就無一國兩制,故不能忘祖忘宗,更認為毛孟靜提出的議案是「種族歧視」,用心極其險惡可恥。

王國興在會上指:

「所謂不受大陸化,或者反對大陸化,或者去大陸化,政治上面極之不正確,係極之錯誤,揭開佢嘅底牌,其實佢係港獨嘅理論基礎之一,亦都係港獨嘅核心思維之一。

主席,香港自古以嚟係祖國不可分割嘅神聖領土一部分,國家為咗解決歷史遺留嘅問題,按照中央聯會聲明,同埋制訂《基本法》,以香港特別行政區來處理,維持香港資本主義制度50年不變。

喺政治上面,如果冇強大祖國,就冇一國兩制,就冇基本法,就冇香港特別行政區。

香港人從來都係中華民族嘅一員,血脈相連,休戚與共,同祖同宗,香港原居民都係中華民族一員,不過喺不同時期不同時代,移居到香港嘅中國人,都係嚟自大陸等各個鄉縣......

我哋所有香港人,我哋都係有根嘅,我哋都係有緣嘅,我哋絕對唔能夠否定我哋嘅身份認同,忘祖忘宗。所以毛議員嘅原議案,係蓄意挑撥族群矛盾,挑撥種族對立,係搞種族歧視。」

廣告
廣告

發表意見