立場新聞 Stand News

王國興願情人節「通宵作戰」 張宇人:想攞我命

2015/2/5 — 11:32

立法會財務委員會續審議成立創新及科技局的撥款申請,建制派批評部分泛民議員拉布阻礙新局成立,當中工聯會王國興更表示,願意情人節通宵開會,「捨命陪君子」,更稱願於情人節當日和財委會主席張宇人「一齊作戰」,張宇人回應稱,「希望你唔係想攞我條命。」

王國興在今早的會議上向張宇人表示,除了通宵開會或剪布外,沒有其他解決拉布的辦法:

「邊個唔想情人節同自己最深愛嘅人過親密嘅一日呢?邊個都想!但邊個令到我哋情人節都不能夠陪自己情人呢?我相信全香港市民都睇到,係反對派陣營嘅議員囉!我願意情人節嗰日同你一齊作戰!你唔係我嘅情人,但係我哋被逼要犧牲情人節係冇辦法,所以如果有需要情人節開通宵,我都願意。」

廣告

直至人民力量陳志全提出休會動議後,王國興更拍枱批評,部分泛民議員每次都提休會動議,並作打油詩送給拉有議員:

「休會復休會,休會何其多,但求反對成,懶理浪費多。」

廣告

他最後在會上發言重申,要求張宇人通宵開會:

「...我認為你而家只有兩條出路,一係就運用主席嘅權力剪布,一係你就徵詢大家嘅意見,24小時、48小時、72小時馬拉松(開會)開落去!鬥下睇下邊個捱得掂!如果唔係都幾難剪布。」

發表意見