立場新聞 Stand News

王維基參選 周家怡:樂觀其成 王宗堯:仲袋住先?

2016/7/19 — 14:49

周家怡、王宗堯

周家怡、王宗堯

香港電視主席王維基早前宣布參選港島區立法會選舉,近日又積極落區拉票。前港視藝員周家怡、王宗堯接受《立場》專訪時,被問及對王參選的看法,周家怡稱有興趣看看王進入立法會後可做到什麼,王宗堯則唱反調,批評王提倡「袋住先」、「三跑」,亦明言不會為他助選。

王維基早前宣布參選立法會,並公布長達 100 頁、共 4.5 萬字政綱,主打「Anyone but CY」的換特首訴求,但政綱中的「無奈支持袋住先」、「有限度開發離島及郊野公園」、「支持機場建三跑」卻大受爭議。不少人甚至視之為「建制派」一員。

廣告

周家怡接受專訪被問及對王維基參選的看法,表示「我鍾意佢份政綱」。她認為,政綱必須簡潔易明,而王維基的「換特首」訴求,正合她意。

身邊的王宗堯卻駁斥:「係人都講呢句嘢架啦!我都可以叫 CY 落台,我都好憎佢。」他直言,「換特首」旗幟,以及政治光環,是王維基當下資產。但事情不能看表面。「真係要睇佢個團隊…入立法會後佢想做啲咩,佢會同哪些政黨的人friend 啲,佢會唔會歸邊。」

廣告

王宗堯認為政治往往涉及條件交換,因此質疑王維基的決定:「當然佢有好多個人考慮,(做立法會議員)亦有籌碼畀佢傾一些佢想做嘅嘢,但真正有幾多嘢會返到落香港人身上?」

對於王維基的政綱,王宗堯直言「麻麻地」,特別是有關政改的部分。「嚟緊功能組別係無可能廢除住的,咁你(王)講呢樣嘢出來做咩呢?係咪想呃人呢?」他更接受不了的,是「袋住先」。「佢又話支持全民普選喎,又叫你袋住先喎。咁即係同2012年一樣囉,等到依家都係『袋住先』。」

周家怡和王宗堯都曾是港視旗下藝人,亦因此為港人所認識。所以周家怡也認為,王維基對自己有恩。「話哂係前老闆,有恩嘅,呢個人。我會想睇佢入到去(立法會)之後,可以做到幾多嘢。」

王宗堯則唱反調。被問到會否為前老闆助選,他搖頭拒絕。

「做張癸龍(《其《選戰》角色》)?唔喇!」

 

 

(王宗堯、周家怡專訪《是藝人,不是偽人》,請見另文)

 

發表意見