立場新聞 Stand News

理想很豐滿 現實很骨感

2017/2/9 — 18:33

梁國雄、曾俊華、胡國興、林鄭月娥、葉劉淑儀

梁國雄、曾俊華、胡國興、林鄭月娥、葉劉淑儀

300+選委造不造王成為城中熱話。

首先,誰能清楚的界定,300+選委代表的「民主派」選民,個個懷抱同樣的追求和理想、堅守同樣的底線和原則?

反對23條立法、撤銷「831」框架、重啟政改,…… 每一條,都有港人抗爭的印記。理想確實很豐滿,但現實呢?

廣告

大人們爭論不休時,參加過傘運的15歲的中學生問我:「你支持誰?」 答:「未定。」 「點解?」 「因為沒那麼簡單。」 「有冇咁複雜?其實好易啫,就好似我哋做選擇題。」

「嗱,四個當中邊個你一定唔會揀?」

廣告

「林鄭,葉劉」。

「咁邊個你一定會揀?」

「冇喎,胡官我中意多點,但係佢冇乜機會。」

「所以得番一個,曾俊華。」

「但係佢都是建制派喎。」

「咁又點?四個當中你都要揀一個啦,唔係不及格。」

「那麼長毛呢?」 我試探着問。

「胡官都冇機會,仲揀長毛?!」

「有人話投白票都唔投建制,選不出就選不出。」

「點得?!你估補考好過正式考試咩?咁我唔中意先生出嗰啲選擇題答案,我唔答題,交白卷,你制唔制?」

如果說300+選委就是這個要考試的中學生,他們所代表的香港人就是衣食父母,而中央,就是那個出題的,該怎樣選擇?

確實,「理想很豐滿,現實很骨感」。

民主派已經損失太多,在港人無權出題、選委只能答題時,需要仔細掂量,是繼續讓理想主義在骨感的現實中碰個頭破血流而一事無成,還是在less evil的妥協中韜光養晦、保存實力?

 

(原標題為〈現實很骨感〉)

發表意見