立場新聞 Stand News

甘當少數的人:獨立因CY共產黨衰 佢哋唔反省 點解後生仔想獨立 

2016/10/26 — 18:24

甘當少數的人(攝:朝雲)

甘當少數的人(攝:朝雲)

【文:朝雲】

26/10 政總

少數市民於公廣前集會,要求捍衛立會制度,人數遠不及建制的動員。

廣告

反辱華集會結束後,親建制者離去,與公民廣場前的民眾狹路相逢,雙方互相指罵。

伯伯(下圖)質問:「你地係咪日本人呀,返日本食屎啦。」民主派的支持者,亦以「返大陸啦」等辱罵還擊。

廣告

伯伯質問:「你地係咪日本人呀,返日本食屎啦。」(攝:朝雲)

伯伯質問:「你地係咪日本人呀,返日本食屎啦。」(攝:朝雲)

朱凱廸發言時,建制支持者從天橋投擲紙團(下圖)。

(攝:朝雲)

(攝:朝雲)

(攝:朝雲)

(攝:朝雲)


朱凱廸:相信我地嘅人係會返嚟

立會休會後,朱凱廸、劉小麗、羅冠聰、陳志全、張超雄都先後到樓下面謝支持者,感謝他們雖千萬人亦無懼表態。

眾議員都強調,頗不同意梁游宣誓時的言辭,但必須保護二人入會議廳,因為要保護香港的制度。

「立法會議員成日都俾人鬧架啦,我出街都俾人鬧架啦。。。但我地要之後從政嘅人,仲可以自由地講嘢。」

「我地而家係唔夠人,但我相信我地嘅人係會返嚟。。。我地要發動香港市民,唔好剩係網上支持,要現身支持。今日佢地有一萬人,我地下次就要多一萬!我地要一齊動員力量。」

他們都批評梁君彥反口覆舌,朝秦暮楚,無法勝任立會主席。首要目標是要他下台,呼籲民主派和市民團結。

朱凱廸(攝:朝雲)

朱凱廸(攝:朝雲)

張超雄(攝:朝雲)

張超雄(攝:朝雲)

甘當少數的人

朱凱廸在公廣門前發言,親建制者不忿,在天橋上投擲紙團。一男人不似其他人般動怒,朝天橋喊:「落嚟講清楚啦!」

陳先生說自己在文革時仍在大陸,「大喊毛澤東萬歲,天大地大不如黨的恩情大,嗰時真係信架。」

「初嚟香港,住係反共堡壘調景嶺,見到『蔣經國萬歲』,當時仲會嬲架,慢慢先開左竅。」

問陳先生為何不去人山人海的添馬公園,反而甘當少數,他說:「講支那真係唔啱嘅,但立法會嘅制度可以解決,係梁振英煽風點火干涉。」

「依十九年所謂回歸之後,左仔議員、奸商議員、壞官、CY 搞衰香港。。。獨立係因為 CY 同共產黨衰。點解後生仔想獨立,而佢地唔反省?」

 

 

 

(標題由編輯所擬)

 

發表意見