立場新聞 Stand News

生日禮物:登記做選民,vote them down

2019/6/14 — 13:49

港府一意孤行,傲慢專橫,漠視民意,一副睬你都傻嘅嘴臉;建制派裏應外合,支持「逃犯條例」修訂,與民為敵,毫無自由意志。咁我哋可以做啲乜?眾志成城,vote them down 可也。

撫心自問,畀人搓圓撳扁好耐,今舖忍屎忍尿,都忍唔到呢啲出賣香港利益嘅人型動物。我希望今年 7 月 2 日生日,收到你哋通知,已經同我一樣,登記做選民,尤其係 18-25 歲嘅年輕人同埋討厭政治嘅中年人,呢份事先張揚嘅卑微盼望,至係最佳生日禮物。

做人嘅嘢,記住係分站長途接力賽,一枝竹仔易折彎,幾枝竹一紮斷折難,團結方可做大事,有人擅長打前鋒,有人鍾意打後衛,或者搖旗吶喊斟茶遞水,有時間,閒來無事可以乘搭公共交通工具思考人生,有呠呠車,可以慢駛欣賞吓路上美景,只要有心,各司其職,互補長短,雖然唔知道係咪有志者事竟成,但無志者,做鬼都唔靈。

廣告

拜託!

 

廣告

(標題為編輯改擬)

作者 Facebook

發表意見