立場新聞 Stand News

田北俊認自由黨獲中聯辦讚賞 譏離場建制派「應該怪責自己」

2015/6/18 — 19:15

政改方案僅獲8票支持下被否決,當中自由黨5名議員留在會議廳投贊成票,他們事後沒有參與建制派的致歉記者會。自由黨前黨魁田北俊今日傍晚反而出席港台節目《自由風 自由Phone》節目解釋事件,直斥建制派的領導要為離場事件負責,「佢哋有排向社會,特別是香港市民解釋。」田北俊又反問,「點解要等劉皇發一票,佢一票喺到都係過唔到,唔喺到又係過唔到,如果田北俊遲咗啲嚟,你會唔會等埋田北俊?」

田北俊承認,受到中聯辦讚賞,「佢讚我哋喺到投票,但佢都搞唔清楚(建制派)點解走晒。」田北俊說,建制派今日原來計劃5時投票,但建制派領導忽然任由方案在12時半表決,他認為,劉皇發原來預了下午5時到場,無論自由黨、劉皇發也無須負責任,反而是決定離場的議員安排有問題,「忽然間建制派幾個就建議離場,點解關我哋事,怪就怪自己安排得唔好。」

田北俊晚上於港台節目《議事論事》又表示,與黨友檢討事件,亦認為無必要「等埋發叔」,形容是「不知所謂」。

廣告

他說,對建制派協議離場做法,難以理解,「叫人走嗰幾個囉,我依家怪責佢哋呀,我哋建制派有個主席嫁咩?」他指,自由黨一直希望支持方案,一定會投贊成票,「我都係建制派有自己主意,由頭到尾都冇話過會離場,點知你會流會啫?」他亦質疑為何要等待劉皇發,「點解要等劉皇發一票,佢一票喺到都係過唔到,唔喺到又係過唔到,如果田北俊遲咗啲嚟,你會唔會等埋田北俊?」他覺得,建制派領導要「處理得好啲」,不能突然作決定,其他人卻不知情,「而家(有聲音)仲賴自由黨…佢哋應該怪責自己,點解唔處理得好啲。」

對於有三位身兼行政會議成員的議員離席,田北俊指事件有些蝦碌,表決歷史記錄上沒有離席議員的名字,「佢哋有排向社會,特別是香港市民解釋。」

廣告

發表意見