立場新聞 Stand News

諷梁振英「搞大」外國記者會港獨風波 田北俊:多得佢唔少

2018/9/3 — 16:38

自由黨榮譽主席田北俊再「串爆」前行政長官梁振英,指香港民族黨陳浩天到外國記者協會演講,「如果唔係CY搞到咁大陣象,可能未必有咁多人聽,真係多得佢唔少。」

田北俊出席民主黨前主席劉慧卿的網台節目,笑言梁振英在外國記者會事件中接連發文炮轟,這些高姿態表現,是要讓北京知道「我企個位仲政治正確過林鄭」,間傳炒熱議題。他又認為港獨議題,在學校討論一下「無壞」,「好似自殺吸毒,都俾佢講教教呢個課題。」他表示自己反對港獨,但學校應該讓學生討論港獨,了解當中的利弊,他舉例西班牙加泰隆尼亞爭取獨立,實際上是不滿要向西班牙中央政府上繳稅收,「其實係想爭取好似香港一國兩制形式,先係最著數。」

田北俊又表示,梁振英近日接連向學者發律師信,他相信是反映梁振英「很擔心」UGL事件,特別是沙中□工程出問題,牽扯出UGL和港鐵以及禮頓的關係,「佢可能擔心又再拖返佢落水」;他又估計梁振英未必真的會為這些評論興訟,「CY當然有錢,不過唔係真係咁有錢,可能佢睇住學者無佢咁有錢,就整兩封律師信要你同我道歉。」

廣告
廣告

發表意見