立場新聞 Stand News

田北俊:個個選都會贏梁振英,因為佢太差

2015/3/27 — 19:18

自由黨立法會議員田北俊經常與特首梁振英唱反調,早前更直接叫梁辭職,以至去年被全國政協常委會「搣柴」,當時他回應指日後可更加「暢所欲言」。田昨日接受《壹錘定音》李慧玲訪問時,再次表示「梁振英今日應該辭職」,更稱以梁振英今日的民望,就算自己參選,都應可選羸他。

至於若一定要在新民黨葉劉淑儀和梁振英之間選擇,會選誰當特首,田北俊稱,「我可唔可以投白票?如果唔得我咪只好投葉劉囉,點呀?葉劉喺立法會人緣都勉強,但喺出面市民印象唔錯喎。」果然繼續暢所欲言。

《壹錘定音》今日傍晚播出田北俊的錄音專訪。田北俊自上屆特首選舉開始,一直支持唐英年,被問到如今已是政協常委的唐英年來屆「有冇機會報仇」,他就稱:

廣告

「如果政改通過,中央如果畀佢出閘嘅話,500幾萬普羅大眾投票,我覺得有機會喎。(你覺得佢會唔會參選?)佢對香港嘅事情仲係好關心,都好想政改通過。你問佢有冇興趣呢,我覺唔可以話冇,但至於積極爭取呢,我又唔覺得……佢而家玩嘅時候甚多,4月去歐洲我又同佢一齊坐船,有一個禮拜遊船河,同Henry一齊去。」

至於他自己會否參選,田北俊表示不會,因為要平衡一國和兩制很難,若在23條或者自由行等問題,平衡不到就要作出取捨,他相信北京屬意的人,在取捨時要站在北京那邊,但他自言「會企喺香港呢邊,當我咁講我就唔適合做特首」,因此他認為自己就算參選,都不能出閘。

廣告

至於被網民問到究竟有幾多身家,田北俊不欲透露,只稱:

「我覺得喺香港,你身家過咗某過階段,對你人生冇乜分別。即係話今日幾千萬可能就唔見使啦,但幾億、幾十億、到幾百億,其實唔緊要,即係大致上咁嘅身家已經有一個好舒適嘅生活。(你而家嘅錢已經一世使唔晒?)咁又唔止我一世使唔晒,可能我啲仔女呀、孫呀,只要你唔去賭錢,慳慳哋咁使、正當生意投資,我覺得哋都應該使唔晒。」

被問到是否很憎梁振英,田北俊指,「我冇乜憎人,人哋憎我係另一件事啦,我同佢從來冇私人恩怨,又冇乜交際應酬。」他自言只是純粹覺得梁管治有問題,與泛民關係不好,卻「成日要43個建制派同你綑綁,你同泛民嗌交」。

他又表示同意工聯會立法會議員陳婉嫻昨日稱,梁振英比前特首曾蔭權差,「Donald喺立法會對我都唔係好客氣架,但嗰時個個月都見我哋一次,見晒我哋8個議員,泛民佢都見晒喎!」

至於到今天是否還認為梁振英應該辭職,田北俊指出,立法會不合作運動仍進行中,「今年來立法會的討論係破紀錄地低」,身為特首,有事想做但做不到,因此應該辭職。他認為如果要改變,梁振英應快快與泛民交流。

田北俊又指出,若葉劉淑儀、政務司司長林鄭月娥、立法會主席曾鈺成、全國人大常委范徐麗泰,甚至包括他自己、公民黨主席余若薇等人參選特首,「你做個民調試下,我諗個個都會贏梁振英,因為佢太差」。

發表意見