立場新聞 Stand News

田少拆大台之上集

2015/6/19 — 18:10

立法會表決政府的政改方案時,建制派突然集體離場,導致議案以28票反對、8票支持,被大比數否決,自由黨榮譽主席田北俊是其中一位投「支持」的議員。 (TVB新聞截圖)

立法會表決政府的政改方案時,建制派突然集體離場,導致議案以28票反對、8票支持,被大比數否決,自由黨榮譽主席田北俊是其中一位投「支持」的議員。 (TVB新聞截圖)

建制派一味「美極煎蝦碌」,一邊聽小鳳姐,一邊用來送酒,好過食萬里望。相信田少由擒晚開始就開埋八二Laffit,飲通頂,順手po埋豬頭相呃四萬like。今早田少上電台一番話,表面寸寸貢,實際係有啲料到。

佢擺明唔妥有人扮「大台」,做糾察(黨鞭),堅持雨傘運動拆大台精神,唔So林健鋒、葉國謙。經民聯同自由黨新仇舊恨,一鋪還返曬比佢地。當年劉皇發、林健鋒、梁君彥係自由黨叛徒,比西環搞掂後分裂出去,志在削弱招招積積之田北俊勢力,自此自由黨失去建制主導地位,重要決定冇份參與。而家你條二五扮大台做黨鞭,眾目睽睽下吩咐自由黨離場搞流會。

田少話建制派不是一個黨,冇主席,而梁振英最想有建制黨,潛台詞係「林健鋒,你老幾呀」,也顯示梁振英搞封殺的後遺症。田少愈老愈精靈,一分鐘內連消帶打,仲攞埋政治道德高地,大義凜然。

廣告

2017可能選特首都有機。

廣告

發表意見